عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

وماله يا أخويا مش عيب

مرسلة بواسطة TAFATEFO
في 3:48 م



السيئ محمد علي إبراهيم
بدون تحية .. وبعد

أتعسني حظي العثر بالنظر مصادفة إلى مقالكم في صدر الصفحة الأولى بجريدة الجمهورية في عددها الأسبوعي بتاريخ 16-4-2009 .. لا أريد أن أكرر على سيادتكم قاموساً من المسبات التي طالما تتشنف آذانكم بسماعها من جموع شعب مصر؛ فأنا أعلم تماماً أن ما يعنيكم (أنت وزملاؤك من المعينين على رؤوس المؤسسات القومية في المخروبة -المحروسة سابقاً-) هو رضاء الكهل البغيض الذي أجلسكم على كراسيكم شأنكم في ذلك شأن ماسحي أحذية سيادته إلا أنكم أوضع قدراً ومكانة بين جموع الشعب. لن أطيل على سيادتكم بانتقاد أسلوبكم السافل وكلماتكم القذرة ولن أشير إلاّ إلى الفقرة الأخيرة (المقتبسة عاليه) مما شاء الله لكم أن تكتبوا (وشاء لي -أرجو غفرانه- أن أقرأ) ، تلك الفقرة التي تبشرون فيها بتمرير قانون مكافحة الإرهاب عند مناقشته في البرلمان وترهبون فيها من سيجرؤ على رفض القانون باعتباره لا يحب مصر.

انتوا تاعبين نفسكم ليه؟ .. احنا آخرنا ايه ؟؟ كلام .. كلام وبعدين نسكت أو نتكلم في موضوع تاني .. تفجير الحسين و بعدين خلية حزب الله .. ده كده كتير .. ده كده كرم زايد .. احنا مش محتاجين ده كله .. هيدخل المشروع البرلمان .. وييجي واحد يقول كلمتين ويسكت .. هيقوم حبايبكم ويمدحوا حكمة الرئيس وويبايعوه هو وابنه وابن ابنه .. وهيقوم بعض اللي فاضل عندهم جزء من ضمير ويهاجموا مشروع القانون (باعتباره آل ايه مقيد للحريات) .. وبعدين السيد الدكتور فتحي سرور (أطال الله بقاءه .. ألا هو ليه كل زبانية النظام من المعمرين؟؟ ربنا راضي عليهم ولا غضبان علينا؟) يقول الموافق على مشروع القانون يتفضل برفع يده .. وكالعاده المهندس أحمد عز هيبص لدلاديلكم .. اللي هيتنطروا يرفعوا أياديهم .. اللي مش هيبصلها السيد الدكتور أحمد فتحي سرور وهو بيقول موافقة.

بالله عليك - لو كنت فاكره لأنك احتمال وانت صغير كنت تعرفه - تبطلوا لت وعجن بقى .. وتقول لزمايلك (أسامه سرايا وممتاز القط وعبدالله كمال والدقاق و ................... ) متتعبوش نفسكم .. القانون هيمر بيكم أو من غيركم.

ركزوا بس في شتيمة السيد حسن نصر الله .. وحزب الله .. والمقاومة .. ركزوا في تخوين بدو سيناء .. ركزوا في النيل من المقاومين واتهامهم بالإرهاب .. ركزوا في حملاتكم لتشديد الحصار على أهل غزة .. ركزوا في حملاتكم ضد كل دولة تتجرأ وتقول كلمتين -فارغين- مش على هوا كهلكم البغيض .. ركزوا أوي بقى في مسح جوخ حسني .. ركزوا في تملق جيمي .. وصدقوني مطرح ما تسيبونا هتلاقونا بحطة ايدكم .. مغلوبين مقهورين محروقين غرقانين متسرطنين وجعانين وبنموت في الطوابير و و و و و احنا ساكتين.
ولا سلام في الختام

0 تعليق على وماله يا أخويا مش عيب

next next next