عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

خادمكم المخلص : محمد حسني مبارك

مرسلة بواسطة TAFATEFO
في 10:43 م


..... .....سفارة
جمهورية مصر العربية
..... ....تل أبيب


دولة الرئيس شيمون بيريز
رئيس دولة إسرائيل



"يسرني أن أعبر عن تهاني في عيد استقلالكم.

أنتهز هذه الفرصة لأعبر مجدداً عن تطلعي لإستعادة المسار السليم لعملية السلام في الشرق الأوسط لوقف العنف وشلال الدماء، ممكنين تأسيس دولة فلسطينية ذات سيادة تعيش جنبا إلى جنب مع إسرائيل في أمن وسلام.

أكرر أن السلام هو أفضل طريق لتعايش كل شعوب المنطقة -بما فيهم إسرائيل- في سلام وأمن."

(خادمكم المخلص)
محمد حسني مبارك
نص الخطاب الذي أرسله الرئيس المصري محمد حسني مبارك إلى الرئيس الإسرائيلي شيمون بيريز مهنئاً بالذكرى 61 ليوم استقلال إسرائيل (الذي نسميه نحن باسم نكبة 1948).
أسمع أحلى سلام لسيادة مصر - وريادة مصر - والأمن القومي - والشقيقة الكبرى - واللي ضحت من أجل القضية الفلسطينية.
تنويه : (خادمكم المخلص) ليست من نص الخطاب.

17 تعليق على خادمكم المخلص : محمد حسني مبارك

  1. هو ده العادي بتاعه
    مش جديد عليه
    بتحصل كل سنة
    بل و سفيرنا هناك بيحضر الإحتفال و يهني و يبارك بنفسه

    الله يحرقهم كلهم

     

  2. TAFATEFO كتب,

    عارف ان ده تقليد دبلوماسي لكل سفاراتنا .. لازم تبعت خطاب تهنئة باسم الدولة في الأعياد

    بس أول مره إسرائيل تضرب الإسفين ده .. وتنشر صورة الخطاب .. وتنشر صورة السفير وهو بيسلم على ليبرمان في الحفل مش حاطط ايده في جيبه زي ما هيعمل أبو الغيظ

    :D:D

     

  3. بهيج كتب,

    طفاطيفو

    سؤال فضولي لو ماعندكش مانع

    ياترى بتفكر تسيب مصر في يوم من الأيام وللا الموضوع ده غير قابل للمناقشة في أنك مش ممكن تسيبها بأي حال من الأ حوال

     

  4. TAFATEFO كتب,

    الاختلاف على كلمة "تسيب" والمقصود بيها ايه

    تسيب يعني تهاجر وتروح بلد تانيه تعيش وتستقر فيها .. معتقدش أبداً

    انما أسافر أدرس .. دي مسألة وقت .. في الخطة اني أسافر

    خلصت كل اللي كان المفروض أدرسه هنا .. وبقت مسألة السفر دي مسألة حتمية .. واللي معطلني زمالة مصرية المفروض إعلانها الشهر ده .. دخلتها .. يبقى هتاخدلها سنتين وآخد ام بي ايه في مصر .. مدخلتهاش يبقى غالباً هسافر آخد ام بي ايه

     

  5. غير معرف كتب,

    أربعة نقاط:
    1- أنا من كارهي حسني، مبارك، والنظام المصري، والحكومة المصرية، والوضع الذي وصلت إلية مصر الأن، لذا فالنقاط الثلاث التالية ليست دفاعاً عن هذا النظام العفن بأي صورة من الصور، ولكن هي مجرد ملحوظات.
    2- لغة الخطاب الأنجليزية ركيكة جداً، ولا تمت للغة الدبلوماسة أو حتى الأحترافية المتعارف عليها بأي شكل من الأشكال.
    3- تقليد أرسال خطابات للتهنئة بالعيد الوطني - كما ذكر أحد المعلقين - تقليد دبلوماسي متبع لا يعني أي شئ (حاجة أوتوماتيكية من ضمن البروتوكول).
    4- عند قراءة النص الأصلي للخطاب لم أر وجود لخادمكم المخلص، ألم يكن من أمانة الترجمة أن تذكر في الحاشية أن هذة أضافة من عندك، وغير موجودة في النص الأصلي.

    Iron Cobra

     

  6. TAFATEFO كتب,

    1- كارهه وكارههم ليه؟

    2- مهي ركيكه .. وفي أخطاء نحويه زي ما أشار السيد بينك امبارح

    I'm looking forward to restore خطا والصح restoring

    3- معروف انه تقليد دبلوماسي .. لكن الذكرى نفسها نسميها نكبتنا ويسمونها استقلالهم .. الحاجه المقابله ليها .. عيد النصر عندنا 6 أكتوبر وهو نكبتهم .. هل سفارتهم بتبعتلنا تهنئة؟؟

    4- رغم ان خادمكم المخلص مفهوم جداً انها مش من نص الجواب .. لكن أنا فعلاً حاططها بين قوسين .. وحاضر سأضيف في الحاشية ان خادمكم المخلص مش من نص الخطاب .. مع انها مفهومة ومحطوطة بين قوسين .. من عينيا .. انت تؤمر

    دمت بود

     

  7. بهيج كتب,

    عموما أنا كنت بأسأل لأني دايما شايفك إنسان محترم وتستاهل كل خير ولما تسافر سواءا للدراسة أو للهجرة هيكون لك شأن كبير، تحتياتي

     

  8. بهيج كتب,

    عفوا خطأ في الكتابة، قصدت تحياتي

     

  9. TAFATEFO كتب,

    :D

    طب ليه لما أسافر؟؟

    أنا بستصعب أوي أوي موضوع الهجره والسفر مدة طويلة ده .. دنا ببقى في نفس البلد وبحن لبيتي وسريري ووسط البلد وبصراحة أكثر حاجه بحنلها وبشتاقلها أكل أمي :D .. حاكم أنا طفس طفاسة الأولين والآخرين ولا فخر

    خالي أستاذ صيدلي في كندا .. وأصحابي بعد الكليه اللي راح أخد امتيازه في أستراليا .. وفي اللي في أمريكا والنمسا وكذا وكذا .. كلهم بيتمنوا اليوم اللي يرجعوا فيه

    أصلاً بستصعب موضوع السفر ده أوي .. حتى اللي بيسافر الخليج (بصراحه معظمهم ميتعاشروش) ويرجع كل 8 شهور

    محدش قبل كده حكالي انه مستريح في الهجره .. رغم ان عمي في ألمانيا من زمااااااان .. وجيران مهاجرين كندا وعلى اتصال دائم بيهم بس محدش أبداً قال ان الهجرة حلوة أو مريحة .. كله بيقول ان احنا اتعودنا على الحياه هنا والحياة في القاهرة بقت تتعب أعصابنا

    بصراحه كمان يمكن مفيش دافع قوي يخليني أهاجر .. يمكن لو كانت ظروفي مختلفه كنت هاجرت .. في ناس كتير هنا مضطهده ومنسيه ومهملة ومظلومة ومهضوم كل حققها .. وبتنتزع منها حقوقها كل يوم قدام عينيها ومفكروش في الهجرة .. بس بقول أنا لو نص ولا عشر اللي حصلهم حصلي معرفش كان هيبقى موقفي ايه

    أصلاً مش فاهم ايه سبب موقفهم .. هل هو ارتباط حقيقي بالبلد .. ولا عند مع القوة الظالمة

    انت مهاجر؟؟ وهاجرت ليه؟؟ وايه العيوب اللي شايفها في مصر اللي تخليك متفكرش ترجعلها ؟؟ وايه اللي مفتقده فيها؟؟ وايه اللي متقدرش تستغنى عنه في مكانك ومش ممكن تلاقيه في مصر؟؟ ممكن تحكيلي؟

     

  10. TAFATEFO كتب,

    أنا زمان كنت بقول اني أول ما أكبر هستقل بحياتي .. ولما عملت كده مبقيتش أقدر .. أنا مفيش مشكله بالنسبه لي اني أسافر شهر .. لكن أكتر من كده مبقدرش

    بس برضه في حاجات كتير بتخليني لازم أسافر .. وكان في مرتين كنت لازم أسافر .. لكن رهبتي من البعد ده خلتني أأجل وأماطل وأسوف

    يمكن بقت المواجهة محتومة زي ما قلت لك .. ومبقاش في أي سبب يأجل غير موضوع الزمالة المصرية ده لو حصل .. وستكون المواجهة .. أن أن آآ

    لو ممكن تجاوب على أسئلتي وتحكيلي على ايه خلاك تهاجر وايه تقييمك للتجربه كمان يبقى كتر خيرك

     

  11. بهيج كتب,

    دا صحيح أنا هاجرت ومن فترة طويلة وعن أسباب الهجرة فده يحتاج لمجلدات وهايخللي ناس كتير تزعل، بس ممكن أديلك فكرة؛ لما تشوف أملاكك والبزنس والشركات بتاعتك إللي أنت وعيلتك تعبتوا فيها بتتسرق منك ويعملوك أنت الحرامي علشان يحللوا سرقاتهم حتى الناس إللي سرقت الشقق في أملاكك ومبيدفعوش إيجارت ويقولواعليك حرامي وأنا أقصد بسرقة الشقق تكسيرها قبل تشطيبها وحتى يومنا هذا السكان دول مافيش معاهم عقود إيجار وبعدين تشوف النفاق وهما زعلانين أن إسرائيل خدت الأرض من أصحابها؛ لما تشوف أستاذ الجامعة ومعاه دكتوراه من إنجلترا بيتصل بيك وأما الدفع أو الرسوب في المادة وعلى فكرة الدكتور دا لسه موجود وبيدرس

    والأهم من دا كله موضوع الكرامة المفقودة والعسكريين المتخلفيين المسيطرين على كل أمور الناس بالإرهاب والجبروت والناس معظهم سذج ومتخيلين أن قمة المعرفة والثقافة في قراءة كليلة ودمنة وبيدبا الفيلسوف وبصفة عامة متفرجين ومتخيلين أنهم عباقرة التحليل والعالم كله متربص بيهم وفاضي لهم وبيشطروا على بعض وبس ومستنيين المهدي المنتظر ييجي ينصرهم ويخللي كل واحد فيهم هو الريس الجديد

    إللي ماأقدرش أستغنى عنه هنا كرامتي وعلى إستعداد أحكي قصص زي ماأنت عايز في موضوع
    التعامل سواء مع البوليس أو أعضاء الكونجرس أو السيناتور في دائرتك لو عندك مشكلة وعلشان كدا مافيش مرة ماأنتخبتش فيها

     

  12. طفاطيفو
    =======
    التعليقات اللي ما نشرتهاش نوارة

    حسني مبارك منافق
    و في الدرك الأسفل من النار
    يعني حيكون تحت الكفار

    و الآية بتقول
    قال الله تعالى: وَمَن يَبْتَغِ غَيْرَ الإِسْلاَمِ دِيناً فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ [آل عمران:85].
    http://www.kalemat.org/sections.php?so=va&aid=419

    و ده تفسيرها من 10 كتب تفسير
    http://www.nourschool.com/modules.php?name=library&file=viewt&sora=3&aya=85

    و دي كل نتائج البحث عنها في جوجل
    http://www.google.com.eg/search?hl=ar&rlz=1B3GGIC_enSA289SA290&ei=f6__Se6OEtLJ_gbKx-3yBg&sa=X&oi=spell&resnum=0&ct=result&cd=1&q=%D9%88%D9%85%D9%86+%D9%8A%D8%A8%D8%AA%D8%BA+%D8%BA%D9%8A%D8%B1+%D8%A7%D9%84%D8%A7%D8%B3%D9%84%D8%A7%D9%85+%D8%AF%D9%8A%D9%86%D8%A7&spell=1


    و الآية { إن الله لا يغفر أن يشرك به ويغفر ما دون ذلك لمن يشاء } (النساء:48)
    و شرحها هنا http://www.islamweb.net/ver2/archive/readArt.php?lang=A&id=134072

    الديانة محرفة و ده لا شك فيه بالنسبة لك كمسلم

    لكن هل انا أعاديهم لتحريف ديانتهم ؟
    لأ
    لأ
    لأ

    لكم دينكم و لي دين

    لكن لما يستخدموا دينهم في الهجوم عليا يبقى حقي الطبيعي إني انتقد تخاريفه و يبقى ده دفاع عن النفس مش إعتداء على دين

     

  13. TAFATEFO كتب,

    بص يا باشمهندس

    خلينا نتفق على قاعدة الأول

    ربنا قال ""إِنَّ الَّذِينَ آمَنُوا وَالَّذِينَ هَادُوا وَالصَّابِئِينَ وَالنَّصَارَى وَالْمَجُوسَ وَالَّذِينَ أَشْرَكُوا إِنَّ اللَّهَ يَفْصِلُ بَيْنَهُمْ يَوْمَ الْقِيَامَةِ إِنَّ اللَّهَ عَلَى كُلِّ شَيْءٍ شَهِيدٌ"

    فخلينا نتفق على ان تصنيف حضرتك لمبارك انه في الدرك الأسفل .. وان ربنا هيدخل ناس الجنة وناس النار .. ده كله منازعة لرب العزة في ألوهيته

    لو نتفق على كده .. ونتفق ان في الكلام منقسمش الجنة والنار على كيفنا لأن دي لله .. ومش بتاعتنا .. تعالى نتكلم زي ما حضرتك عايز

    مع حضرتك رقم تليفوني .. يا ريت لو ترن علي لأن رقمك متسجل على تليفون تاني .. ولو تحب نتناقش هنا تحت أمرك

    بس الأخ الاسكندراني الاسماعيلاوي يفتح مخه معانا شويه ويسيبه من حفظ الباطنه اللي هتجيبله المغص دي

    صباح الفل يا حاج ميدو

     

  14. TAFATEFO كتب,

    وكمان اقرأ قول الله تعالى "إِنَّ الَّذِينَ ءَامَنُواْ وَالَّذِينَ هَادُواْ وَالنَّصَارَى وَالصَّابِئِينَ مَنْ ءَامَنَ بِاللّه وَالْيَوْمِ الاَْخِرِ وَعَمِلَ صَالِحاً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ"

     

  15. TAFATEFO كتب,

    تصدق يا باشمهندس نواره عندها حق فعلاً

    هو احنا هنحاسب الناس كمان؟؟ هو احنا ربنا؟؟

    احنا مالنا بالنار والجنة .. على رأي نوارة هو احنا كنا عرفنا احنا رايحين فين؟؟

     

  16. طفاطيفو
    ========
    (اللي يلعب الدح ما يقولش "أح") و الدح لعبة يقوم فيها الأطفال بضرب من يخطئ في دوره في اللعبة ، فمن ارتضي أن يلعب يجب ألا يشترط عدم ضربه في حالة الخسارة
    http://www.google.com.eg/search?q=%D8%A7%D9%84%D9%84%D9%8A+%D9%8A%D9%84%D8%B9%D8%A8+%D8%A7%D9%84%D8%AF%D8%AD+%D9%85%D8%A7+%D9%8A%D9%82%D9%88%D9%84%D8%B4+%D8%A3%D8%AD&sourceid=navclient-ff&ie=UTF-8&rlz=1B3GGIC_enSA289SA290

    و الغرض إن ما دام الحوار عن الاديان فيجب ان تتوقع وجود تعليقات مع و تعليقات ضد
    و يجب أن تنشرها كلها ما دامت لم تتجاوز حدود الأدب
    أما أن أنشر آية قرآنية أو آيتين مرفقتين بتفسيرهما فأتهم بالطائفية

    و ينشر طرفك فقط من الحوار و يحجب طرفي فهذا غير عادل من وجهة نظري

    رغم إنها مدونتها و هي حرة فيها

    لكن اللي مش قد الكلام ما يتكلموش من الاول
    و اللي معندوش سعة صدر لغيره يبقى يريح دماغه

    يعني كل البوست بتاعها ده غرضه إيه ؟
    مش مناقشة الموضوع على نطاق واسع ؟

    و لا كانت متوقعة سيل جارف من تعليقات التأييد علشان تشكل ضغط معنوي على احمد سعيد
    :)

    لو غرضه الرد على أحمد سعيد كانت ممكن تكتبه في التعليقات عنده و يرد عليها و خلاص خلصنا

    و في الأول و في الآخر الإختلاف في الرأي لا يفسد للود قضية

    و انا ياما إختلفت مع نوارة
    لا هي اول مرة و لا حتكون آخر مرة

    و نصيحيتي ليك إقرأ تفسير الآيات اللي بترد عليا بيها و اسباب نزولها
    و نفس الشئ بالنسبة للآيات اللي أنا ذكرتها

    و كون رأيك بعدها بنفسك
    :)

    أما إني احكم على الناس فأنا مش بأحكم

    يمكن ربنا يعفو عنهم و يدخلني أنا النار

    أنا بأقول إعتقادي فيهم طبقاً لفهمي لعقيدتي
    إنما محدش حيخش الجنة بعمله
    و كلنا إن شاء الله حندخلها برحمة ربنا
    سلام يا دكترة

     

  17. غير معرف كتب,

    الرئيس مبارك ليس خادما لاحد وما تنشره افتراء وكذب ولايصح ان تذكره بذلك فاحترام العالم للرئيس مبارك لاياتى من فراغ قدنختلف على اوضاع الحكومة عندنا لكن لانختلف على شخص البطل الذى ضحى براحته حتى عادت الارض فالئيس مبارك لايستحق منك هذا الافتراء

     

next next next