عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

هما فاضيين لكم !؟

مرسلة بواسطة TAFATEFO
في 3:56 ص


تستمر معاناة 24 صياداً شاباً مصرياً كانوا على متن سفينتي صيد اختطفهم قراصنة في المياه الصومالية منذ بداية أبريل. الحكومة المصرية تتجاهل الأزمة وتتجاهل مطالب الخاطفين كما أكد مترجم الخاطفين لبرنامج 90 دقيقة مؤكداً أن المسؤولين المصريين لا يهتمون لحياة الشباب المختطف ويتجاهلون مطالب القراصنة بفدية 5 ملايين دولار. ويهدد القراصنة بقتل الشباب المصري المختطف ما لم تنفذ الحكومة المصرية مطالبهم.
أما بواخة صحيح .. وهما السادة المسؤولين المصريين فاضيين للعب العيال ده؟ .. هيسيبوا ما هو أهم ويدوروا على 24 شاب مصري هيتقتلوا ؟! .. ما يقتلوهم .. عندنا منهم كتير .. السادة المسؤولين عندهم ما هو أهم .. ماسكين في خناق قطر علشان أميرها حسبن عليهم -كده وكده- وركبوا دماغهم وعملوا قمة .. وماسكين في خناق الجزيرة علشان طالبت بفتح المعبر .. وماسكين في خناق حزب الله علشان طالب المصريين بدعم صمود العدو الفلسطيني في غزة .. وماسكين 49 واحد بتهمة التخابر مع حزب الله ونشر الفكر الشيعي ..........

لا تكونوا فاكرين النظام المصري والمسؤولين هيسيبوا إضرابات ومظاهرات العمال والإداريين والصيادلة والأطباء وأساتذة الجامعة والطلبة اللي عايزين الكفاف .. ولا مظاهرات الفاضيين اللي بتطالب بحياة كريمة .. ولا هيسيبوا العالم اللي عايزه توقف تصدير الغاز لإسرائيل .. ولا تكونوش عايزينهم يسيبوا قانون الإرهاب ولا ملف التوريث ويفضولكم ويسمعوكم ؟؟؟!!!

بلاش خوته ووجع دماغ ورغي فاضي .. كلمتين أبرك من عشره .. يا تقتلوهم وتخلصونا .. يا تسيبوهم وتبقوا وفرتوا أكلهم وتمن الرصاص .. وأهو اللي عند ربنا مبيضيعش .. وافتكروا كويس ان الحكومة ملهاش دراع علشان يتلوي.

2 تعليق على هما فاضيين لكم !؟

  1. sal كتب,

    ما اعرفش ليه حبيت اقولك كلمتين فى هذا المكان ....مدونة رائعة ودمها خفيف اتمنى لك التوفيق ولك تقديرى

     

  2. TAFATEFO كتب,

    شكراً جزيلاً

     

next next next