عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

لنحزن .. فلتدمع أعيننا .. فلنبكي جميعاً .. وما المانع!؟ .. أليست وفاة طفل صغير ربما لم يبلغ الحلم تدعو للحزن والبكاء؟؟ فلنبكي كل طفل صغير توفاه الله .. ولنشاطر كل أب وأم فقدا قرة أعينهما الأحزان .. لندعوا جميعاً بالرحمة لهم ولنا جميعاً .. وما المانع؟! .. لنفعل

أن يطل علينا كرم جبر متحدثاً عن إنجازات طفل في الثالثة عشرة من عمره على كل الأصعده .. عن مواهبه وقدراته وتواضعه وبره وإحسانه وموسيقاه ورسمه وأوبراه .. ما المانع؟!

أن يتفضل علينا مفتي الديار المصرية بمنح صكوك الغفران للعائلة كلها -ولم يكن ليمانع لو أعطاها لشعب مصر كله (بس نشوفه بحاجه)- .. ما المانع؟! مفيش أي مانع .. ما هو برضه الراجل شغلته انه يفتي

أن يتحفنا كل الكتاب -بلا استثناء يذكر-، في كافة الصحف -والمنابر الفضائية المتاحة- بالحديث عن مآثر الفقيد وجده وجدته ووالده وعمه .. وأن يعبروا هم عن عميق حزن ومأساة وانفطار قلب ومقدار هم وغم كل مصري، بل وكل عربي من المحيط إلى الخليج .. ما المانع؟! نبلعها وتعدي وأهي تبقى بجميلة



أن تظهر ماما عبلة -حبيبتشي حبيبتش قلبي- وتقول جده وجدته حبيبتشي سوزان وبنتشي هايدي وتعيط هي ومقدمة البرنامج وتدعي ماما عبله وتأمن المقدمة .. مفيش أي مانع .. هما امتى بطلوا عياط ودعاء وتأمين

انما تيجي ماما عبلة وتدق اسفين وتقول "اصبروا يا أبطال" و "استحملتونا كتير" أكننا اللي قتلنا الواد .. أهو ده اللي منقدرش نعديه أبداً .. هو مين اللي مستحمل مين بالظبط ؟؟!!


4 تعليق على يا أبطال - استحملتونا كتير - حبيبة قلبي - ماما عبلة

  1. بدراوى كتب,

    قريت زيك
    و مرارتى اتفقعت برده
    من كلام عبلة بتاعت استحملتونا كثير
    بس انا بتكلم بمشاعر الجد
    اى ان كان اختلافى معاه

    و حرام نشمت فيه
    لازم نكون عندنا شوية رحمه
    اى ان كان الموقف

    معلش انا حشيل تعليقك
    انا ممكن اتفق معاك فى حاجات كثير الا ديه

    بس بجد انا موافق على كل كلام عبلة ماعدا البقين دووول

     

  2. بدراوى كتب,

    انا عايز انت مش بترد عليا هنا
    ده كلامك نقلته قبل ما اشيله

    TAFATEFO يقول...
    يا حبيبي فين الشماته؟؟ والشماته في مين؟؟

    هو في حد يشمت ان حد مات؟؟ طب ما احنا بكره نموت وياما ماتلنا وهيموتلنا

    هنشمت في مين؟؟ أنا مش فاهم ايه حكاية الشماته دي

    هو انت هتصدق انه الرجل اتأثر فعلاً وعلى طريقة حسن الإمام هيحصل تغير دراماتيكي هيغير خريطة ومستقبل المنطقة؟؟ يابني لو أي حد غير نواره قال جمله زي دي كنت لقيت الفضاء السيبري امتلأ بالـ أحا ت المصحوبة بالموسيقى التصويرية

    ليه ان شاء الله؟؟ أول واحد يموت قدامه ولا آخر واحد .. ده غير ملايين الشعب اللي قتلهم هو وزبانيته .. وعيلته اللي فاضل فيها أخ واحد ومسرحينه من الخدمة وقارفينه .. شوف كل اللي عاصرهم واشتغل وخدم معاهم من أول اللي استلم منه المهمه ولغاية الجمسي مثلاً وأبو غزالة وعاطف صدقي

     

  3. بدراوى كتب,

    و بعدين ده حدث غير طبيعى ليه
    حدث مش متوقع
    مش زى موت ناس عاصرهم و خدموا معاه
    ده موت حفيده و قرة عينه
    يعنى مش واحد مات و خلاص
    اتمنى تفهمنى
    هو بقى وحش مع الشعب كويس معاه
    ديه مش قضيتى فى اللحظة ديه
    جايز تكون قضيتى بعد وقت تانى
    و انا مختلف معاه و شايف انه عمل و عمل فى البلد و كذا و كذا
    لكن كلامى فى التدوينة كان كدة عشان ملقتش غير انى اقول كدة من غير شماته
    زى ما نا حاسس فى كلامك

     

  4. Dr.Online كتب,

    اللهم خلي الزعماء و اخرب بيوتنا احنا يا شيخ

     

next next next