عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

هل يطيع مبارك شيطانه؟

مرسلة بواسطة TAFATEFO
في 2:04 ص


ولا دايم إلا وجه الله .. مات حفيدي وغداً أدخل القبر (بعد عمر طويل) .. الآن .. وقد بلغت الثالثة والثمانين .. وبعد التصاقي بهذا الكرسي طيلة ثمانية وعشرين عاماً .. بم سيتذكر الناس رئاستي؟؟

لكل رئيس سابق -وكلنا إلى هذا المصير (بعد عمر طويل طبعاً)- ما يتذكروه به .. فبم سيتذكرني الشعب؟؟ .. "عبدالناصر" كانت له ثورة ونكسة .. و"السادات" كان له عبور ووكسة .. ولكن بم سيذكروني حين يقضي الله أمراً كان مفعولا؟؟

بالإصلاح الإقتصادي (آل يعني انصلح) أم مترو الأنفاق (عزنه شغال)! أم بالـ 010 و 011 و 012 (كما يقول ممتاز) ولا يمكن بـ نايل كوميدي؟؟!!

لا كل ده مينفعش .. حتى الحرائق والانهيارات والسرطانات والغرقى والسرقات والنهب والفساد والتعذيب والفقر ومذابح الخبز كلها لا ترقى لنكسات من سبقوني .. يا الله .. هل أنا فاشل لهذا الحد ؟؟

بالتنحي
ماذا تقول أيها اللعين!! من يتنحى؟؟
تتنحى أنت؟؟
لعنة الله عليك .. هل جننت؟؟
صدقني .. لن تجد ما قد يتذكروك به إلا أن تتنحى
فعلها "ناصر" قبلي .. فكرتك سخيفة
لا .. لن تتنحى -كده وكده- .. ولن تخرج زبانيتك في مظاهرات تقول أحا وتطالب ببقائك .. ستتنحى -بحق وحقيقي-
أيها الغبي .. هذا هو سيناريو التوريث الذي يلوكونه .. ولكني لا آمن مكر جمال وشلته .. يريدني الملعون أن أتنحى وأعطيه الكرسي ليحل محلي ويهمشني .. بعد أن أترك له الكرسي ماذا أفعل؟؟ .. أنتظر الموت!! .. لابد أن جمال اللعين قد وعدك بشيء ما .. ولكن هذا بعدك وبعده
ومن ذكر هذا الـ جمال؟! .. تذكر أني شيطانك أنت
إذن .. ماذا تريد .. أنا لا أفهم
ارع انتخابات رئاسية حقيقية .. حل البرلمان .. وادع لانتخابات برلمانية حرة ونزيهة تفرز إرادة الشعب .. ثم تنحى .. ودع الشعب يختار من يرأسه
وهل يرحمني الشعب إن تركت الكرسي؟؟ وهل يرحمني من يخلفني .. أنت مجنون فعلاً
صدقني .. سيقبلوا ألا يحاسبوك .. بل وسيذكروك بكل الخير حين ترحل .. هذا الشعب لم يختر من يحكمه قبلاً .. وسيذكرون لك أنك من أتحت لهم هذه الفرصة
  • تنويه : دي مش تريقة ;) على من قال أن وفاة حفيد الرئيس ممكن تخليه يتوب ويصلح غلطته (ويتجوزنا عند مأذون ويكتب الواد باسمه) .. ومش توقع للي هيعمله مبارك بعد ما يحل البرلمان المصري في غضون أسابيع -عقب نهاية الدورة البرلمانية الحالية- ويدعو لانتخابات جديدة -متجيبش إخوان- .. ده كلام بالعقل .. أصل مفيش حاجه تخلي امبارك يعمل كل اللي عمله ده وأي حد يفتكره إلا كده .. يرضيكوا يبقى في "ناصريين" و"ساداتيين" وميبقاش في "مباركيين" .. حد عنده أفكار تانيه؟؟

5 تعليق على هل يطيع مبارك شيطانه؟

  1. مهندس حر كتب,

    غريبة إنك بتدور على حاجة مبارك يسيبهالنا نفتكره بيها.. الراجل يا سيدى ها يسيبلنا أغلى حاجة عنده..

    إبنه..

     

  2. أليس كتب,

    هيسيبلنا مشردين بلا مأوي
    هيسيبلنا مرضي بلا علاج
    هيسيبلنا اطفال شوارع بلا اهل
    هيسيبلنا مجرمين توحشوا ولبسوا اقنعة علي كل شكل ولون ومتخفيين ورا مليون ستار
    هيسيبلنا موتي وقتلي عند عمد و بسبق الاصرار والترصد
    هيسيبلنا في كل بيت واحد بيدعي عليه كل نهار وكل ليل
    هيسيبلنا ذكريات كتيرة هو و حاشيته لما يقابلوا وجه كريم
    هيسيبلنا اكيد معاش مبارك ،، اشمعني هو يعني ،،اللي يمكن يبقي 100 جنية علشان تحقيق الرفاهية لاسرة عشرة ولا خمستاشر فرد

    لنا الله من قبل ومن بعد
    ودعوة المظلوم لا ترد

    اللهم من لنا سواك يا رحيم ..
    اللهم ارحمنا برحمة من عندك تغننا بها عن رحمة من سواك

     

  3. سبهللة كتب,

    مهندس حر يقول...
    غريبة إنك بتدور على حاجة مبارك يسيبهالنا نفتكره بيها.. الراجل يا سيدى ها يسيبلنا أغلى حاجة عنده..

    إبنه..

    25 مايو, 2009 04:03 ص

    ========
    التعليق دة موتنى من الضحك
    لدرجة انى نسيت كنت عايزة اقولك ايه

    بس اهم حاجة تشوفلك حل فى مكان التعليقات اللى فوق البوست دة لانى بقالى كذا يوم مش لاقية مكانه وكنت فاكراك حاذف التعليقات
    اعمل تنويه يا دوك ان التعليقات فوق البوست مش تحته
    ومبروك على المدونة دى عشان انا لسه شايفاه لما رجعت من الاجازة الجبارية اللى كنت فيها

     

  4. حسن على كتب,

    يؤسفنى ان اخبرك بأن شيطان مبارك قد مات من الشيخوخة من اكتر من خمستاشر سنة....هذا ولم يقبل اى شيطان اخر ان يحل محلة حتى هددو(الشياطين يعنى) بالاضراب اذا حد ضغط عليهم

     

  5. TAFATEFO كتب,

    ماحدش قاللي

    ايييييييييييييييه .. ما دايم إلا وجه الله

    :D:D:D:D:D

     

next next next