عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

فضيـ*ـة شيخ الأزهر .. تعرف ايه عن المنطق؟

مرسلة بواسطة TAFATEFO
في 5:42 م

أقتبس من حوار فضيـ*ـة الإمام الأكـ*ـر محمد سيد طنطاوي شيخ الجامع الأزهر -للأسف الشديد- للسيدة "سناء السعيد" والمنشور بمجلة المصور بتاريخ 20 مايو 2009 أقتبس فقرتان.

وبغض النظر عن كل ما تتضمنه هاتان الفقرتان من ألفاظ و عبارات و جمل (بدون أمثلة استخرج من الفقرتين الدرر المصونة والجواهر المكنونة) تحمل القارئ على الإتيان بما لا يليق من ألفاظ وحركات وأصوات لا تليق ومكانة شيخ الأزهر -بحكم المنصب لا الشخص- .. وبغض النظر أيضاً عن ما تتضمنه الفقرتان من معلومات هامة وقيمة (من قبيل عنصرية إسرائيل - الإحجام حزماً - تعتم على الأمر وتضرب ضربتك - الحرب دمار ... إلخ) بل ونصائح يجب التفكر فيها وأخذها بعين الإعتبار (يتعين على الآخرين الإقتداء بمصر فـ"البعبعة" لا قيمة لها -على سبيل المثال-).. سأتجاوز هذا كله تأدباً ولأني -مش عايز أغلط في حد- .. لكني أستحلفكم بالله أن تفهموني .. كيف يمكن الجمع بين هاتين الفقرتين؟؟ وكيف لصاحب الفقرة الأولى أن يملأ شدقيه متحدثاً عن واجب المقاومة في الفقرة الثانية؟؟

13 تعليق على فضيـ*ـة شيخ الأزهر .. تعرف ايه عن المنطق؟

  1. بدراوى كتب,

    ده ايه البرود اللى هو فيه
    ده

    ايه يعنى المسجد الأقصى بقالى 30 سنة بسمع الكلام ده و محصلش حاجة
    بارد اوووى البعيد

    على فكرة انا مفهتمش اى كلمة
    مش عارف بقى لطبيعة الحوار
    و لا لأنى قريته كروته
    !!!

    *******
    ******
    *****

    دول شوية شتايم عايز افك بيها
    ههههههههههههههههههه

     

  2. معلش دة راجل كبير ف السن


    انت عارف حكم السن

     

  3. مهندس حر كتب,

    يعنى هى جت على دماغ الراجل المقدسى الغلبان اللى ها يقف لوحده أمام إسرائيل و يضحى بحياته تحت أنقاض بيته.. و بقيت الناس دى بقى ما لهاش حتى تمد يد العون لأن ده إعلان للحرب و الحرب دمار.. أمال هدم بيوت المقدسيين على رؤوسهم ده إيه؟.. إعمار؟ و الله ده راجل أعمى القلب ****..

     

  4. مهندس حر كتب,

    بخصوص صواريخ المقاومة .. لابد أن يعلم الجميع أن هذه الصواريخ لها أثرها .. الإسرائيليون شعب يبحث عن حياة الرفاهية و الغالبية منهم أتى إلى إسرائيل مخدوعا بدعايات كاذبة تصورها على أنها أرض الأحلام و الفرص ..
    تدنى شعور الإسرائيليين بالأمان يدفعهم إلى المغادرة و الإحتفاظ بجنسيات ثانية رغم أن ذلك مخالف للقانون و هو يجعلهم يفقدون الثقة بكرة إسرائيل ذاتها و هذا يهدد كيان المجتمع الإسرائيلى و يدفعه إلى التحلل و الضعف النفسى و الأدلة إرتفاع معدلات التهرب من الخدمة العسكرية و هروب المجندين أيضا و عصيان بعضهم للأوامر..

    أنا عارف إن الكلام ده مش فى صميم الموضوع تماما بس أنا بحب أكرره كل ما جت فرصة لأن فيه ناس كتير محتاجين يعرفوه..

     

  5. ahmed samir كتب,

    يخرب بيت الهطل

    يعني المقدسي المفروض يا يموت تحت بيته يا يحدف طوبة و ياخد رصاصه في قلبه و يموت ..
    و فضيلة الشيخ عايزنا نستنى اما المسجد الاقصى يقع عشان نتحرك ..

     

  6. مهندس حر

    الصواريخ دي بومب لمؤخذة مش بتموت

    اخرها تموت ناموسة او تعمل خدش في زجاج البيت او تكسر عربية دة اخرهااا

    اذا كنت تريد الحرب عليك الاستعداد تكون على الاقل 30 في المية من قوة العدو زي حزب الله في حرب لبنان الاخير
    د

     

  7. TAFATEFO كتب,

    تحب أرد عليك من كلام ريلة الشيخ ***

    أهو بيقول في الفقرة الثانية من الحوار للمقدسيين أن عليهم مقاومة من يحتل بيوتهم ويخرجهم منها ولو بالحجارة (اللي مبتموتش على فكره) داعياً كل الفلسطينيين للدفاع عن وطنهم علشان محدش هيحاربلهم قائلاً "الفلسطيني يجب أن يختار إما حياة عزيزة أو موت بشهادة" .. والحياة تحت حصار قاتل وقطع لإمدادات الوقود والطعام وانتهاكات حقو الإنسان (بنتكلم عن إسرائيل مش مصر دلوقتي) ليست أبداً حياة كريمة .. وبالتالي الصواريخ أفضل كثيراً من الحجارة

    أنا رديت عليك من كلام رذيلته .. تذكر هذا

     

  8. TAFATEFO كتب,

    مهندس حر

    لو لم يكن لها أثرها .. أكانت ستقض مضاجعهم وتدفع الجبهة الداخلية لمطالبة الجيش الإسرائيلي بالعمل على إيقافها ويظل هؤلاء المخابيل يستحلبون عطف المجتمع الدولي بقولهم "من يستطيع العيش وحوله "بمب" ينفجر من حوله"

    يجب أن نذكر تعليق السيد عزمي بشاره على مسألة الحق

     

  9. ليس على السفيه حرج

     

  10. يا جماعة الراجل قد جدكو بردو ولا اية يا طفاطيفو و دة حكم السن


    بدل ما تقول سفية قول ربنا يهدية

     

  11. TAFATEFO كتب,

    هو ايه بالظبط اللي حكم السن ؟؟!!

    ده مش اعتراض على كلامك .. ده علشان بس أبقى عارف لو حد سألني

     

  12. عاملين دوشه عالفاضي
    الرجل أهبل و أمه عارفه....شاغلين مساحه عالنت عشا تعرفوا مين بقي؟؟؟؟

     

  13. Me7'o كتب,

    أنا بقى هرد علي عنوان البوست ده بحكاية ظريفة قوى
    اسمع يا سيدى

    الأول: تعرف إيه عن المنطق
    التانى: معرفش
    الأول: متعرفش يعنى إيه المنطق
    التانى: لأ
    الأول: طب روح اسأل وتعال
    التانى: ماشى وبيسأل التالت هو إيه المنطق ده
    التالت: هو معرفة كل شئ من أى شئ فاهم ولا أوضح
    التانى: لأ وضح
    التالت: عندكم كلب
    التانى: آه
    التالت: يعنى عندكم فيلا
    التانى: آه
    التالت: يعنى أبوك غنى
    التانى: أيوه
    التالت: يعنى أمك كمان غنية صح؟
    التانى: صح
    التالت: يبقى أمك راحت حجت
    التانى: آه
    التالت: يبقى أمك ست كويسة وصالحة
    التانى: آه
    التالت: شوفت بقى أنا إزاى عرفت إن أمك ست طيبة وصالحة من إنكم عندكم كلب أهو هوا ده المنطق
    التانى: آآآآآآآآآآآآه
    وراح للأول

    الأول: هاه عرفت إيه هو المنطق
    التانى: أيوه هو معرفة كل شئ من أى شئ فاهم ولا أوضح
    الأول: لأ وضح
    التانى: عندكم كلب
    الأول: لأ
    التانى: يبقى أمك بنت كلب وسخة وماشية على حل شعرها

    ههههههههههه


    تفتكر شيخ الأزهر عنده كلب؟؟؟
    هوه ده بقى السؤال

     

next next next