عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

دكان شحاته

مرسلة بواسطة TAFATEFO
في 9:12 م

من أول التتر .. لآخر لقطة في الفيلم .. حاجه روعه ... ممتازة .. دكان شحاته فيلم رائع .. رائع بمعنى الكلمة

تتر البداية .. جمييييييييييل (بصرف النظر عن ما تتضمنه من أحداث يتفق البعض أو يختلف على كونها الأبرز) لكن فكره ممتازه وتنفيذ رائع
ناصر عبدالرحمن .. عظمه
أشعار جمال بخيت .. عظمه على عظمه على عظمه على عظمه
محمود حميده .. عبقري طبعاً
عمرو عبدالجليل .. رهيب .. في لحظه ينقلك من ذروة الانفعال لتدميع عينيك من الضحك
غادة عبدالرازق .. ممثلة فعلاً .. دورها تحفه .. ويمكن هي أحسن واحده مثلت في الفيلم بعد محمود حميدة
عمرو سعد .. ممثل حلو .. بس والله أحمد زكي مات .. والتسنيح مبقاش ده وقته خالص
اخوات شحاته وبواب العمارة اللي فيها سطوح غباوة .. قايمين بأدوار حلوه جداً

هيفاء وهبي .. ايه القرف ده .. جتك ستين ألف نيله .. أنا نفسي أفهم خالد بيه يوسف بيقول ازاي انها ممثلة موهوبة ؟؟ في ممثلة من غير facial expressions !! ده مفيش عضلة في وشها بتتحرك !! ده شفتها العلوية مبتتحركش نهائياً .. ودورها في الفيلم قام بـ80% منه أجزاء جسمها المعتاده وخصوصاً جزئين .. ايه القرف ده؟؟ دي ياعيني علشان مظهرتش بطولها طول الفيلم قام مرقصها -عافيه- ونيمها على السرير -تحلم- .. جتك ستين ألف نيله عليكي وعلى اللي بلانا بيكي غنا .. وعلى الحمار اللي بلانا بيكي تمثيل -مجازاً طبعاً- .. اللي انتي عملتيه ده يا حلوه زفت الزفت .. وايه الإصرار على صوت المعزه اللي بتعمليه ده وإلا المشهد مع عمرو سعد لما بتقوليله "-صوت معزه- هضربك -صوت معزه-" خليتيني تفيت على اللي قدامي وكان هيقوم يتخانق لولا انه عذرني لأنه كان هو كمان قرفان منك.
النص .. جامد جداً
عبدالعزيز مخيون .. الله يرحمه .. رغم مشاهده القليلة .. لكن يلفت نظرك الرسائل .. وأهم الرسائل اللي على لسانه "صالح اخواتك يا شحاته" .. فهمتها بمعنيين قد يكون أحدهما مش مقصود ......
خالد يوسف .. الفيلم ده ممتاز .. تتر البداية أكثر حاجه عجبتني في الفيلم .. (صورة ناصر تداري الشرخ - الله يرحمك يابا - اللي عمله السادات مش هنعرف نخرج منه ولا بعد 100 سنه - في الأول كنت زعلان وبعدين عرفت ان كان عندهم حق) كل الجمل دي وأكثر فيها كلام كتير بس دي وجهة نظره .. إقحام مشاهد الجماعات الإسلامية وتحجيب الستات عافية في آخر الفيلم تتفهم انها في سياق الانفلات الأمني الكامل .. الميه اللي بتتباع مش البنزين والموز اللي بيتباع بالواحده مش بالكيلو موجود دلوقتي .

  • حوار محمود سعد مع أبطال الفيلم سخيف جداً .. ما عدا جمال بخيت طبعاً.
  • أنصح من يرغب بمشاهدة الفيلم انه يروح حفلة صباحية -علشان ميبقاش ناس كتيرواحتمالية التسقيف على الفاضية والمليانة تقل- ومش في وسط البلد طبعاً -علشان دي من أزبل التجارب اللي ممكن تعيشها في حياتك انك تقعد تسمع تعليقات وضحكات وتصفير وتقسيف سخيف من ناس سخيفه-.
- تحديث - ما شاء الله .. لقيت الفيلم متاح للتحميل على أربع أجزاء (Screenshots)

5 تعليق على دكان شحاته

  1. mido كتب,

    الروابط دى جودتها ايه ؟

     


  2. لو تكرم يا طفاطيفو بيك تجيب لي فلم بصرة او النهارردة يوم 30 نوفمبر لباسم السمرة

    ااكون ليك ممنون و شكرا للينك يا طفاطيفو

    انا عاوز فلم النهاردة 30 نوفمبر

    كان على دريم مش عارف انت مسجلة ولا لاء

     

  3. هي قصيدة جمال بخيت الاولى اسمها اية

     

  4. مهندس حر كتب,

    شكرا يا عم مصطفى .. أخوك بطل يروح سيما من يوم ما بقى صاحب عيال .. عشان كده مضطر أستنى لما الفيلم يتذاع على أى قناة تليفزيونية أو ألاقيه على سى دى أو دي فى دى .. ربنا يكرم بقى لما العيال تكبر شوية أبقى أرجع أنا و المدام نروح السيما زى زمان..

     

next next next