عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

في الوقت الذي يلهث فيه فاروق حسني وراء إرضاء إسرائيل وصفحها عنه وتأييدها لترشيحه لمنصب مدير عام منظمة اليونسكو (1 - 2 - 3 - 4) .. في الوقت الذي يوقع فيه رشيد -بحضور رئيس الوزراء- اتفاقية الكويز (2004) ويضيف إليها محافظتين جديدتين (27 مايو 2009) .. في الوقت الذي يكرر فيه السيد أبو الغيط أذكار صباحه ومسائه عن علاقات الود والصداقة بين مصر وإسرائيل -مؤكداً أن مهمة مصر أن تعزز- .. في الوقت الذي يحذر فيه السيد مصطفى الفقي من إقامة إمارة إسلامية على حدودنا الشرقية مفضلاً تواجد الإمارة الصهيونية .. في الوقت الذي يعقد الوزير سامح فهمي ورئيس الوزراء أحمد نظيف اتفاقية -أرادوها سرية- لتصدير الغاز المصري بسعر مدعم إلى إسرائيل (ونرفض تمرير المساعدات -التي يقدمها غيرنا- أو تقديم المساعدات للمحاصرين من أهلنا في غزة) ويضربون عرض الحائط بحكم وقف تصدير الغاز قبل أن تلغيه الإدارية العليا (1 - 2 - 3 - 4 - 5 - 6 - 7) .. في الوقت الذي تتوطد فيه أواصر الصداقة والتعاون والتفاهم بين الرئيس مبارك والقيادة الإسرائيلية إلى الحد الذي يهنئ فيه مبارك إسرائيل في ذكرى النكبة و يشكر فيه السيد إيهود أولمرت رئيس وزراء الكيان الصهيوني الرئيس المصري مبارك على دوره وقيادته وتفهمه لمحرقة غزة أولاً قبل أن يشكر الرئيس الأمريكي بوش الذي أمده بالسلاح وأعطاه الضوء الأخضر وقبل أن يشكر السيدة كوندوليزا رايس التي دعمت هذه المجزرة دولياً ومنعت أي قرار يدينها أو يقضي بإيقافها من قبل مجلس الأمن ................. ترفض الراقصة دينا التطبيع

هـــــــــــــــــــــــــه (تنهيدة) .. دنيا

13 تعليق على هـــــــــــــــــــــــــه (تنهيدة) .. ultraSLUT

  1. هايل البوست ده
    فعلا دنيا لا بتخلى الراكب راكب
    ولا المركوب يبطل تطبيع

     

  2. يا طفاطيفو انا ارففض اقامة دولتينعلى اساس الدين جمبنا دة خطر على المنطقة و العالم و مصر

    افض الدولة الدينية اليهودية و الاسلامية

    يا طفاطيفو لو الصراع اتحول لصراع ديني يبقى قول على الدنيا سلام

    الصراع مش لازم يتحول لديني ديني

    هما عاوزين كدة يا ريت منقعش في الفخ بتاعهم

    الدولة الدينية = العنصرية

     

  3. مهندس حر كتب,

    تصدق أهو هوه ده التبكيت على أصوله.. بس يا بنى تقول لمين؟ .. الشعب بيسلم عليك و بيقولك تبقى تشد عليه الغطا عشان ما يستهواش و الصويت أوبشنال يعنى لو زورك واجعك ماتصوتش و أهو لو إتدفن سكيتى يبقى أستر برضه..

     

  4. يا ريت يا جماعة بس منحولش دينا لبطلة قومية وقديسة ، الست عايزة تعيش ومتخسرش شعبيتها اللى هيا أساس رزقها ، معروف إن الشعب كله كاره للتطبيع وهيا بترقص للشعب يبقى لازم ترضيه ، والموضوع مماثل للقصة بتاعة الرقص فى حفلة تخرج المدرسة الثانوى ، ماهى كانت عارفة إنها حفلة لمدرسة ثانوى وإن المعازيم حيبقوا طلبة ، ورقصت وبسطت العيال وأما الدنيا قامت عليها قعدت تبرر وتقول معرفش ومشفتش

     

  5. مواطن مصرى:
    والله العظيم حفظنا الكلمتين بتوعك وإن الدولة الدينية = الدولة العنصرية ، مش لازم تفكرنا بيهم كل ما تسمع كلمة دولة إسلامية ، أقولك على حاجة؟ حط الكلمتين دول ضمن اسمك فى البلوج واحنا نشوفهم كل ما نشوفك :-)

     

  6. TAFATEFO كتب,

    ما هو معروف وواضح ومفهوم كل كلام حضرتك .. محدش قال دينا بطلة قومية

    البوست بيقول ان في الوقت الذي يفعل فيه كل هؤلاء الساسة ما يفعلون علناً .. ترفض دينا التطبيع (مواقف معلنة بصرف النظر عن حقيقتها)

    ممكن تضيف حاجه كمان

    إذا كانت دينا برفضها للتطبيع بتخاطب عموم الناس اللي هما جمهورها .. ممكن نفهم مين جمهور الساسة ؟؟ طبعاً السلطة والنظام .. مش الشعب

     

  7. TAFATEFO كتب,

    مواطن مصري

    هو إسرائيل دي دولة قائمة على ايه؟؟ أساس علماني مثلاً

     

  8. TAFATEFO كتب,

    هو بس يا مواطن للتذكره وان كنتوا اخوات اتحاسبوا

    من يومين حضرتك صرحت وقولت ان الإخوان المسلمين ملهمش عندك شرعية

    والنهاردة حضرتك بتعلن رفضك إقامة دولتين دينيتين جنبك (جمبك)

     

  9. أنا فاهم قصدك من البوست يا دكتور مصطفى ، الموضوع إنى صعبان عليا يبقى مثلنا الأعلى فى رفض التطبيع رقاصة ، وبالنسبة لجمهور الساسة فدول جمهورهم منهم فيهم ، يعنى حاجة زى نادى السيارات كده أو زى روتارى نادى هليوبليس :-) كل مشاكلهم فى الحياة إن جمرك العربية البورش عدى التلات اربع مليون أو إنهم بيدافعوا عن حقوق الكلاب اللى مبتاكلش لحمة قليلية الدسم.

     

  10. TAFATEFO كتب,

    هو ايه موضوع دكتور مصطفى ؟؟ مين اللي طلع الإشاعة المهببة دي؟؟

     


  11. والله أنا معلوماتى إنك دكتور أسنان ..... عندك إنت معلومة تانية؟

     

  12. TAFATEFO كتب,

    يا رجل مش لما حد يقولك حاجه تعقلها

    في دكتور أسنان محترم برضه يبقى اسمه طفاطيفو

    دي حاجه بالعقل كده

    آي نعم أنا اتخرجت من كلية طب الأسنان (ده غير تخصصات تانيه تالته ورابعه وحياتك) لكن مش معنى كده اني دكتور سنان

    أنا مش فاضي أشتغل :D:D

     

next next next