عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

رجب حميدة .. الحريص على سيادة مصر

مرسلة بواسطة TAFATEFO
في 7:32 م

السيد النائب الـ ..... محترم رجب هلال حميدة -وربما من ينوب عنه- ترك تعليق بنص استجواب برلماني لرئيس الوزراء ولفيف من الوزراء يتعلق بخطاب أوباما من القاهرة -ومش فاهم سايبه هنا ليه- هذا نصه .. ولي بعده بعض التساؤلات؟؟
السيد الاستاذ الدكتور / احمد فتحى سرور رئيس مجلس الشعب
تحيه طيبه وبعد .........
رجاء التكرم بالموافقه على تحديد موعد لألقاء بيان عاجل موجه لكلا من :-
السيد الاستاذ الدكتور رئيس مجلس الوزراء
والسيد / احمد ابو الغيط ( وزير الخارجيه)
و السيد الدكتور / هانى هلال ( وزير التعليم العالى )
و السيد الدكتور / يسرى الجمل ( وزير التربيه والتعليم )
بشأن الأتى
قام الرئيس الامريكى / باراك اوباما بزيارة مصر يوم الخميس الموافق 4/6/2009 و قد نتج عن هذه الزياره مصروفات ماليه قدرها بعض المراقبين (150 مليون جنيها مصريا ) بالطريق المباشر وكذلك إهدار ما يقرب عن ( 2 مليار جنيا مصريا ) بطريق غير مباشر نتيجة تعطل المؤسسات الاقتصاديه والتجاريه و الزراعيه و غيرهم من المؤسسات الأخرى خاصة الحكوميه و الخدميه والقطاع العام عن العمل فى هذا اليوم .
بل و تحولت مدينه القاهره الى شبه حالة حذر تجوال ومنع المواطنين من التجول بحريه كامله
بالمخالفة للميثاق الدولي لحقوق الإنسان والدستور والقانون .
وكذلك تعطل الجامعات والمدارس الحكوميه والخاصه من العمل بهذا اليوم وتأجيل الأمتحانات المقرره فى هذا اليوم ايضا بمواعيد لاحقه فى الوقت الذى رفضت زوجة الرئيس الامريكى مرافقة زوجها لزيارة مصر لأهتمامها ومراعاتها لبناتها اللاتى كن يؤدين الأمتحانات المقرره عليهن فى بلدهم "امريكا" .
وكذلك معرفة الأسباب الحقيقيه والمعايير التى تستند اليها سفيرة الولايات المتحده الامريكيه بالقاهره بشطب اسماء بعض المدعوين لحضور خطاب الرئيس الامريكى مما يعد تدخلا سافر فى الشئون الداخليه المصريه .
برجاء التكرم بتحديد اقرب موعد لألقاء هذا البيان العاجل
و تفضلوا بقبول وافر الشكر والأحتر
ام
رجب هلال حميده
عضو مجلس الشعب
الأمين العام لحزب الغد

  • أنا مقتنع تماماً بأهمية هذا الإستجواب .. ومتفق مع ضرورة المساءلة -ولو الصورية- عن كل الوقائع التي أوردها سيادة النائب .. لكن .............
  1. ليه الاستجواب مش موجه للسيد حبيب العادلي وزير الداخلية برغم أنه المسؤول عن الإجراءات الأمنية التي أدت إلى تعطيل العمل في ذلك اليوم؟
  2. يبدو ان السيد رجب هلال حميدة لم يحضر الخطاب .. ويبدو أيضاً ان إسمه اتشطب عليه من مارجريت سكوبي سفيرة أمريكا بالقاهرة .. ويبدو -برضه- ان ده حارقه أوي.
  3. هو سكوبي شطبت على اسمك ليه؟؟ حبايبك مبلغوكش؟؟ مثلاً يعني يكون بسبب مشكلتك مع أيمن نور؟
  4. يعني هو تشطيب مارجريت سكوبي على اسم جنابك مزعلك أوي ومعتبره تدخل سافر في الشؤون الداخلية المصرية .. وتسليم العاصمة لفرق أمنية أمريكية بشكل مخجل وسافر .. والتأمين الأمريكي الكامل لموكب أوباما وتحركاته .. والتجهيز الأمريكي لقاعة جامعة القاهرة من أول التأمين ولغاية تست الصوت والمايكات .. ملفتوش نظرك.
  5. ملفتش نظر جنابك حاجه في المنصة اللي ألقى أوباما خطابه من عليها .. مكنش عليها شعار كده بتشبه عليه؟؟
  6. لماذا تركت البيان كتعليق في مدونة؟؟ هو الصحف مرضيتش تنشرهولك؟؟ وليه؟؟ ولا دي تعليمات؟؟
  7. هو مين علمك مسكة الماوس؟
  • الحق حق برضه .. بقى بعد ما توزوا الرجل على الغد .. ويأدي دوره هو وعصابته على أكمل وجه .. ده برضه يبقى جزاته ؟؟!! مش عارفين تخلوه يحضر الخطاب اللي نفسه فيه .. بقى تسيبوا السفيرة تشطب اسمه وتمشي كلامها عليكوا ؟؟ يعني راجلهم يحضر !! وراجلكم يقعد في البيت !! أما صحيح خيبة

7 تعليق على رجب حميدة .. الحريص على سيادة مصر

  1. صدق من قال
    أصحاب العقول في راحة
    و المجانين في نعيم

    ربنا يصبرك يا مصطفى على ما بلاك و يجعله في رصيد حسناتك

     

  2. ماهي دايما كده اخرة خدمة الغٌز علقه

     

  3. مهندس حر كتب,

    أنا لو مكانك أمسح المدونة بالديتول و إبقى رش بيرسول كويس بعد كده عشان الحاجات دى ما تخشش تانى .. يا راجل ده أنا لما شفت صورته إفتكرت إنى تهت و دخلت الكنيف!!!

     

  4. رجب هههههههههههههههههههههههههههههههههههه

     

  5. بدراوى كتب,

    اتشهرت يا طيفا
    بقول ايه
    انا عايز الأخ بتاع نواب سميحة
    يجيى يعلق و معاه سميحة
    ههههههههههه

     

  6. خلى بالك يا معلم
    بكره الشيخ رجب يعزمك على شيشه فى الندوة
    والخطوة التانيه ان يشترك معاك فى المدونة ولجنة المدونات فى مجلس الشورى تحكمله فيها

     

  7. Sonnet كتب,

    العقل زينة فعلا

     

next next next