عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

انت .. ترقص قصر السلطان

مرسلة بواسطة TAFATEFO
في 10:15 م


قصر السلطان عالي البنيان
حَجَرة بفضة وحَجَرة بمرجان
وأراضي بتاع ألفين فدان
اسمها بستان
مليان أجراس .. مليان حراس
بقلوب ملهاش شبابيك وبيبان
جدران تولد في الليل جدران
وده كله واقف على عمدان
امال إزاي يبقى السلطان

قصر الوالي طبعاً عالي
مليان حتى لو الكون خالي
بدهب وفاروز .. وكنوز في كنوز
وان شبعت بطنه اليد تعوز
وان عازت يده السرقة تجوز
يضحك نبكي احنا طوالي
امال إزاي يبقى الوالي

وبيوت الناس .. لا حيطان ولا ساس
ولا ليها لون ولا ليها مقاس
وحيطانها طين .. أصواتها أنين
وغناها حزين

وفـ وسط الضلمة تهل انت
ولا نعرف من فين أو إمتى
ترفع بنيان الغلبان
وتطاتي بنيان الوالي
وترّقص قصر السلطان
عبدالرحمن الأبنودي

1 تعليق على انت .. ترقص قصر السلطان

  1. حكموكي .... ما حكموكي
    برضه المصري مصري .. و المملوك مملوكي
    إوعي تباتي حزينة .. يا حرة يا زينة
    لو ربطوا إيدينا .. بكرة نحرروكي
    من السلطان و الوالي .. و العهد المملوكي

    دي اغنيه كلمات النهايه بتاعت المسلسل

    أختيار موفق للخال الأبنودي

     

next next next