عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

2700 مليون كيلو سكر في الشهر .. طب إزاي!!

مرسلة بواسطة TAFATEFO
في 12:31 ص

اليوم السابع : طالب الدكتور على المصيلحى، وزير التضامن الاجتماعى، المصريين بترشيد استهلاكهم من المواد الغذائية، وقال "الشعب المصرى يستهلك 2.7 مليون طن سكر فى الشهر".
ما تيجي نحسبها .. بافتراض المستهلكين 80 مليون (أعتقد الرقم أقل من كده) .. إذن :
إستهلاك الفرد = 2700 مليون كجم من السكر / 80 مليون فرد
إستهلاك الفرد = 33.75 كجم من السكر شهرياً
إستهلاك الفرد = 1.125 كجم من السكر يومياً
نعم!!؟ بقى ده يعقل ؟؟ الناس موراهاش شغلانة غير سف السكر؟؟ الكبار والصغيرين سايبين أشغالهم ومصالحهم وجامعاتهم ومدارسهم والدروس الخصوصية وإشارات المرور والتشريفات والكماين واللجان وقاعدين - بس - يسفولك السكر؟؟ أنا مصدقش الرقم ده .. أصله إزاي يعني؟

4 تعليق على 2700 مليون كيلو سكر في الشهر .. طب إزاي!!

  1. انا بشرب في حدود 4 كوبيات نسكافية + كوباية شاي اخر اليوم

    دة غير الحاجة الحلوة

    و مش ملاحظ ان لما تقضي اي مصلحة بيقولك و الشاي بتاعي يا استاذ و القهوة بتاعتي

    :D

     

  2. الفرق عندى يا دكتور
    وانا اللى هاحاسب

     

  3. Taha كتب,

    الرقم ممكن يكون صحيح ..

    هي متتحسبش كده .. الاستهلاك داخل في الاستهلاك الشخصي اللي بتتكلم عليه .. وداخل فيه استهلاك القهاوي مثلا واستهلاك المحلات اللي بتستخدم السكر زي بتوع الفطير.. ده غير الصناعات اللي داخل فيها السكر اصلا زي اللبان وغيره كتير من المنتجات ..

    فاعتقد الرقم مش بعيد اوي.

     

  4. TAFATEFO كتب,

    @Taha

    يا فندم .. أنا مقلتش استهلاكك في البيت .. أنا بقول استهلاك الفرد .. في البيت في القهوة في الشغل في الحلويات من محل الحلويات

    حضرتك كفرد .. استهلاكك اليومي من السكر من ساعة ما تصحى لغاية ما تنام أكثر من كيلو؟؟

     

next next next