عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

عقلاني جداً .. بل أكثر من عقلاني

مرسلة بواسطة TAFATEFO
في 5:53 ص

إذا أمكن لجماعة ما السيطرة (نمشيها السيطرة) على منطقة ما بقوة السلاح (لا أنكر ولا أقر .. ده مجرد تقرير) .. يبقى ليه متجيش جماعة تانية تسيطر (مشيها تسيطر برضه) على منطقة (نفس المنطقة أو جزء منها أو منطقة أخرى) بقوة السلاح أيضاً؟!
ده مش جنان .. دي قمة العقلانية

أرفع علي مواطنين السلاح باسم الوطن والتطهير والتخلص من الفساد .. أطرد .. أعتقل .. أقتل باسم الوطن
أنا وطني .. جميعهم عملاء
أرفع علي مسلم السلاح باسم الدين وشرع الله والحكم بما أنزل الله .. أطرد .. أعتقل .. أقتل باسم الدين
الله معي .. هم كفار

21 تعليق على عقلاني جداً .. بل أكثر من عقلاني

  1. mido كتب,

    من حق الحكومة او النظام الشرعى و المنتخب فقط ان يرفع السلاح على المنشقين او المخربين


    انت بتخلط الامور بطريقة عجيبة و بتتخطى الحقائق و تظهرها فى شكل اللى معاه سلاح ينقلب على غيره

    و كأن الامر كان كذلك

     

  2. TAFATEFO كتب,

    ماشي .. همشي معاك ولو اني مكنتش ناوي .. بس خليك فاكر اني لا أقر ولا أنكر أي تصرفات .. ده مجرد سرد وقائع

    ايه هو سند الشرعية؟؟ الدستور؟؟

    طبقاً للدستور من حق الرئيس إقالة الحكومة لأن الحكومة مهمتها معاونة الرئيس

    وطبقاً للدستور .. اللي عملته حماس في قطاع غزة اسمه انقلاب وخروج على الشرعية والنظام .. حماس عملت ده باسم الوطن والتطهير والتخلص من الفساد .. وأنصار الله حاولوا الإنقلاب على حماس باسم الله والدين والحكم بما أنزل الله

    نفس المنطق .. الفرق ان حماس كانت أقى ونجح انقلابها .. إذن هي على حق .. انما الجماعة التانيين كانوا أضعف وفشلوا .. إذن هم محربين وخارجين على النظام

     

  3. mido كتب,

    طبقا للدستور

    اللى عملته حماس فى غزة ليس بانقلاب

    لأن مفيش حكومة تنقلب على نفسها

    ------------

    انت تسمى اللى عملته حماس تطهير ؟

    طبعا لأنه مينفعش يبقى فى 3 وزارات داخلية

    ده سفالة من عباس علشان ينغص على حماس و يكدر عيشتها

    داخلية لدحلان و داخلية للرجوب او عباس مش متذكر بالظبط

    و داخلية الحكومة (الشرعية) لأن حماس هى اللى شكلت الحكومة طبقا لنتايج التشريعى

    اتضح فيما بعد عن خطة دايتون

    اكيد قريت عنها

    مش ححكى بقى فيها

    يبقى حماس أجهضت محاولات دحلان اثارة الفوضى فى القطاع لأظهارها بمظهر العاجز


    شوف الصايع بيقول ايه هنا ! دحلان يعترف أنه سيجعل حماس ترقص خمسة بلدي

     

  4. mido كتب,

    المشكلة انك شايف حماس انقلبت على عباس !!

    انا مش عارف ازاى اقنعت نفسك بكده ؟

    دى مؤامرة فرضت على الحركة و ده حصار من اول يوم


    يا اخى ده رئيسك ماقابلش هنية و لا مرة و قايل مجرمى الحرب

    مفيش غير نظيف اللى قابل هنية 10 دقايق مقابلة بروتوكولية ليس اكثر و لا اقل

    و تقولى حماس انقلبت

    طب ما المؤامرة واضحة زى الشمس هى

    انت مش بتقرا تحليلات غير من العربية ولا ايه !؟

     

  5. TAFATEFO كتب,

    :D:D:D

    يا حبيبي .. أنا قلت لك همشي معاك .. وبرضه تذكر اني لا أقر ولا أنكر أي شيء

    إذن حماس استخدمت السلاح لمنع الفوضى في القطاع بدافع الوطنية .. وكذلك جند أنصار الله استخدموا السلاح لتطبيق شرع الله ابتداء من رفح بدافع الدين :D:D

    أنا استخدمت السلاح للسيطرة على القطاع باسم الوطنية والتخلص من الفوضى والتطهير
    انت استخدمت السلاح للسيطرة على القطاع بدافع الدين للتخلص من الفوضى والتطهير

    اللي عملته حماس اسمه انقلاب مسلح (ده مش إدانة للفعل ده اسمه كده) .. عملته للسيطرة على القطاع والتخلص من الفوضى والحفاظ على المقاومة و و و و و و و و و .. وكذلك جند أنصار الله حاولوا الانقلاب المسلح والسيطر على رفح لتطبيق شرع الله والتخلص من الفوضى و و و و و و و و و

    :D:D

     

  6. TAFATEFO كتب,

    ميدو يا حبيبي هو حضرتك بتتكلم عني أنا ؟؟!! غريبة

    لفظ انقلاب مش إدانة للفعل .. حتى خروج عن النظام مش إدانة .. ده تقرير

    وبعدين أنا مش معترض على انقلاب حماس وسيطرتها على القطاع (وأظنك عارف) لكن اللي بقوله انه نفس المنطق اللي استخدمته جند أنصار الله مع تغيير لفظ الوطن بشرع الله

    وتاني .. ده مش إقرار ولا إنكار

    بس لا ده كان من أجل الوطن .. ولا ده كان من أجل الله .. تسمع عن السلطة .. السلطة اللي هي طماطم وخيار وخس وليمون وجزر إلخ

     

  7. mido كتب,

    و كأن السلطة بقت مسبة

     

  8. mido كتب,

    و مين قالك ان جماعة جند الله مكنتش بتعمل لله

    ؟

    مين قالك؟

    كانت من اجل الدين فى نظرهم

    انت عارف ان اللى يعمل كده يبقى انتحارى اصلا

    طالب السلطة مينتحرش ابدا

    زى دحلان مثلا

     

  9. mido كتب,

    اتفضل يا سيدى


    نوارة بتقولك بيضربوا فى العيال الصغيرة

    :D

    و مواطن مصرى بيقولك بيضربوا الحركات فى بعضها

    و بيقولك الله يرحم ياسر عرفات :D

    ( جند الله 500 فرد على الاكثر بقت حركة عند مواطن مصرى )

     

  10. TAFATEFO كتب,

    انت هتفضل تقولني اللي مقلتوش كتير؟؟ هقولك كام مره لا أقر ولا أنكر .. ولا حضرتك طالب طب صحيح

    أنا معنديش تعلي .. هو سؤال بسيط .. يعني مين الشهداء ومين القتلى؟؟ مين اللي في الجنة ومين اللي في النار؟؟
    اللي كانوا في فرقة حماس .. ولا اللي كانوا في فرقة جند الله

     

  11. TAFATEFO كتب,

    حكمة الشهر: من حق الحكومة او النظام الشرعى و المنتخب فقط ان يرفع السلاح على المنشقين او المخربين

     

  12. mido كتب,

    الحكمة تنطبق على حماس

    انت بتقول لا بتقر و لا بتنكر و بعدين تغمز فى شرعية الحركة

    سبحان الله

     

  13. mido كتب,

    أسئلة عبثية !

    شهدا ايه و قتلى ايه؟

    انت شايفنى مفتى

    روح اسأل المفتى يا خويا

     

  14. TAFATEFO كتب,

    مال المشروعية بالاقرار والانكار

    انقلاب الظباط الأحرار كان دستوري؟؟ لا طبعاً .. هو في حاجه اسمها كده؟؟ .. مفيش حاجه اسمها انقلاب دستوري .. ولو كان فشل كانوا أعدموا .. كانت ليه أسباب ملحة وأهداف نبيلة؟ آه طبعاً .. أقره ولا أنكره .. أقره

     

  15. TAFATEFO كتب,

    سؤالي اللي عبثي وكلامك عن انه كان في سبيل الله وانهم انتحاريين وده دليل إخلاصهم النيه لله مش عبثي ؟؟

    يعني فتح وحماس وأنصار الله مخلصين النية لله والوطن :D:D:D

    انت عثل .. وأنا أوت

     

  16. mido كتب,

    طبعا انتحاريين و تكفيريين

    لكن هم شايفيين نفسهم صح و مش طالبين سلطة

    حتعرف لما تبقى قاعد فى سايبر و يدخلوا يحرقوك علشان انت فاحش
    :D


    و بعدين الكلام مازال عبثى برده

    لأن تفجير نفسهم فى المسلمين حيدخلهم ازاى فى زمرة الشهداء ازى ؟

    ادى الفتوة اهى متزعلش

    :D

    ----------------
    فتح دول ولاد كلب و ريحتهم فاحت

    متقارنش فتح بأى فصيل

    تانى لأن مشاكلها لا تعد ولا تحصى

     

  17. TAFATEFO كتب,

    ها ها ها

    اقرى تعليقاتك كلها بقى هتلاقيك قلت كل كلمة في البوست

    أحبك .. تحياتي :D:D:D

     

  18. TAFATEFO كتب,

    ها ها ها

    اقرى تعليقاتك كلها بقى هتلاقيك قلت كل كلمة في البوست

    أحبك .. تحياتي :D:D:D

     

  19. mido كتب,

    قلت ايه؟

    انت برده بتقول كلمة و مش بتوضح و تجرى

    !!!

     

  20. mido كتب,

    و على فكرة انا مع الحكومة النيجيرية فى محاربتها اجماعة

    بوكو حرام

    نفس الموقف بيتكرر بحذافيره هناك

    http://3.ly/nfL

     

  21. طب يا معلم ميدو كدة مفيش عيب او ادانة تقع على عباس لائنة استخدم السلاح لما حماس انشقت عن السلطة زي ما حماس استخدمت السلاح لما جند انصار انشقو عن سلطة حماس

    يعني حرام لفتح حلال لحماس

    اين المنطقية بقى اذا كنت مع حماس الي بتعملة في جند الله اذا فتح مكنتش غلطانة

     

next next next