عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

القصير قـ*عه .. والطويل الأهـ*ـل

مرسلة بواسطة TAFATEFO
في 4:36 م

المهندس أحمد عز - أمين التنظيم بالحزب الوطني الديموقراطي
أقصى طموح لي هو المنصب الذي أشغله الآن
ان يكون طموح أحمد عز انه يبقى أمين التنظيم بالحزب الوطني الحاكم دي تصدق .. ممكن فعلاً .. رجل أعمال ده أفضل منصب ليه .. وضع سياسي يضمن له حماية أمواله وبعده عن المساءلة .. ومنصبه كأمين تنظيم يحميه ويساعده أكتر من كونه على كرسي وزارة أو حتى على كرسي الرئاسة .. كونه أمين التنظيم ومؤسس وحاشد القاعدة الحزبية لنجل الرئيس (والرئيس باعتبار ما سيكون) يضمن له الحماية التامة، فهو يملك أحد أهم مفاتيح التوريث وحماية منصب نجل الرئيس (والرئيس باعتبار ما سيكون) الحزبي.

السيد جمال مبارك - أمين لجنة الساسات بالحزب الوطني الديموقراطي
لا أسعى إلى أي منصب تنفيذي
يعني لا تطمح في رئاسة الوزارة ولا في كرسي الرئاسة .. امال ايه؟ يعني حضرتك هتفضل أمين لجنة السياسات بالحزب الوطني الديموقراطي !! طب المنصب ده حضرتك فيه واللي بيدعموك مستفيدين من منصبك ومن كونهم رجالتك ومحسوبين عليك بحكم كونك ابن الرئيس الحالي (عارف كده طبعاً) .. ولو تغير صاحب المنصب التنفيذي (الأعمار بيد الله طبعاً بس لكل أجل كتاب) ازاي هتفضل أمين لجنة السياسات؟ ما هو كل اللي بيدعموك والمستفيدين من وجودك في المكان ده هيتحول ولاءهم ومصالحهم لرئيس جديد .. وهتبقى حضرتك بالنسبه لهم كارت خسران .. واللي عملك القاعدة الحزبية (اللي سيادتك فاكر انك تقدر تعتمد عليها) بسهولة شديدة يقدر يحرك اتجاهها ناحية صاحب المنصب الجديد لأن مصلحته هتبقى مع صاحب المنصب الجديد

يا جمال يا أخويا صدقني كل واحد من اللي حواليك شايف في نفسه انه أصلح منك لمنصبك .. بص حواليك في كل رجالتك وقارن قدراتك وتاريخك بقدراتهم وتاريخهم .. بس محدش فيهم ابن الريس .. انت بس ابن الريس (واحنا اتفقنا ان ده هيجيله يوم وينتهي) .. ساعتها مين هيحميك؟
حتى كرسي الرئاسة (اللي بتقول انك مش عايزه وانه غير وارد) ميحميكش .. انت ممكن توصل لكرسي الرئاسة وكونك الرئيس احتمال يسندك لكن ميحميكش من أطماع الطامعين في السلطة اللي شايفين في نفسهم (وليهم كل الحق) انهم أحق منك بيه واللي احتمال ساعتها يعملوا جبهات ضدك وممكن يخطبوا بيها ود الشارع كمان (احنا بنتكلم عن داخل الحزب الوطني ومجيبناش سيرة الشارع أو أي قوى من خارج الحزب الوطني) .. كل دول ممكن تكون مصلحتهم أكبر في انهم يسيبوك تقع (ومتستبعدش انك تلاقي منهم اللي بقى زعيم معارضة) .. هتلاقي ميت ألف واحد ينط على كرسيك ويرميك من عليه .. وكل اللي حواليك هيتخلوا عنك لما يلاقوا قدراتك متحققلهمش مصالحهم.

يا جمال انت بالنسبة للي حواليك محطة يكونوا فيها ولاد الرئيس (رجالة ابن الرئيس) .. لكن أول ما متبقاش ابن الرئيس (سواء بكونك الرئيس أو لا .. أصلك بتقول مش عايز الكرسي) هيسيبوا المحطة دي ويتجهوا لمحطة جديدة تكون فيها مصلحتهم .. وانت -قطعاً- مش المحطة دي.

2 تعليق على القصير قـ*عه .. والطويل الأهـ*ـل

  1. صحيح " البلاغة الإيجاز " :)

     

  2. كلامك جميل وتحليلك صح ...... بس ان بتدن في القطب الجنوبي :D

     

next next next