عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

يا سادة يا كرام؛ الست بيونسيه جايه مصر .. ودي مش حاجه قليلة. هما مغلطوش لما اختاروا LIVE THE LEGEND شعار .. أيوه أسطورية. أنا -أزعم ان محدش يهز شعره في راسي- الست دي بتبهدلني .. من فرط التأثر والإحساس بعميق الكلمات طبعاً، مش أي حاجه تانيه.

أنا بس كان لي سؤال بسيط .. هو الإخوة اللي هيحضروا الحفلة هيلبسوا كمامات؟ ما هوده تجمهر .. أجساد آلاف البشر متلاحمة، ومش أي تلاحم .. دي برضه الست بيونسيه واقفة وبتأدي .. وحتى لو وزعتوا عليهم كمامات،-آل يعني هيوزعولهم كمامات- هتتلبس؟ ده أنا -الجامد أصلاً- لو لابس كمامة وبتفرج على الست بيونسيه لايف، أكيد هقلع الكمامة من كتر التنهيد .. وأكيد أكيد لو عملت حركه كده ولا كده هضطر أرمي الكمامة علشان أدلدل لساني شوية وأريل شويتين.

أنا يا فندم مقتنع بكل الإجراءات اللي بتتخذها أجهزة الدولة للحد من انتشار وباء H1N1 .. تحجموا العمرة، تلغوا الحج، تأجلوا الدارسه، تقفلوا الفصول اللي فيها إصابات، تقفلوا المدارس كلها، إن شالله حتى لو استدعى الأمر حظر تجول .. أنا معنديش أي مشكله مع ده -أعتقد ان القرارات حتى الآن بتتخذ بعقلانية لا إستهانة ولا إرتعاب- .. بس مكنش من باب أولى حفلة زي دي تتأجل .. تتأجل كام شهر بس (لا .. تتلغي لا .. أبوس ايد معالي جناب فخامة عظمة سيادتك) لغاية ما نشوف الفيروس -الجاحد ده- هيعمل فينا ايه!!

1 تعليق على الست بيونسيه جايه مصر .. طب والإنفلونزا !!

  1. الحفلة بكام انفلونزا اية دلوقتي دي بيونسيةةةةةة يعني مصر هتلاقيها كلها هناكككككككك بكام الحفلة و امتى

     

next next next