احنا دايماً رواد .. يعني ان جينا للحق فاحنا خير قياداتنا على العالم كله طول عمرنا وجمايلنا في رقابي اللي جابوهم.واحنا قلنا ايه من زمان؟ اللي خلف مماتش، طبعاً مماتش، ما هو ابنه مطرحه جمهورية مجمهورياش ده كلام ملناش فيه .. الدستور اتعدل لبشار علشان يمسك مكان أبوه .. حسني طلع تلاته تيت الناس وفصل مواد دستور وعمل تمثيليه تتذاع على حوالي 7 سنين علشان ننوس عين *** أمه يقعد مكان أبوه (المتشبث بالكرسي لآخر لحظة .. أموت الأول ويبقى يترزي مكاني) .. والبتاع الأهبل بتاع ليبيا، الأخ القائد ده اللي بقاله قائد 40 سنه مش عارف يلاقي حد -يا عيني- يسلمه السلطة ويستأمن **** على البلد والشعب، وأخيراً ظهر الننوس بعد ما حشر مناخيره في كل حاجه وعمل فيها عم المعارض شويتين، أبوه استأذن موظفينه وخدامينه انه يمسك الواد سلطات الحكومة والبرلمان معاً -كومبو ماكدونالدز بقى- في حياة القائد .. يعني رئيس دولة والقذافي قائد ........ وها هو ابن ساركوزي ابن الـ 23 سنه "انتخب" علشان يرأس أهم أحياء المال والأعمال في فرنسا.
عاشت الريادة
5 تعليق على 
المشاركات
بكره يقولك احنا زى فرنسا
زى المقولة الشهيرة
الدستور الفرنسى مفيهوش تحديد لمدد الرئاسة
!!!
كنت لسة مسجله بالصدفة
و لقيتك رفعته
تشكر يا باشا
:-)
علشان تعرفوا بس مصر دي خطيره جدا بتصدر ي حاجه لبره حتي التوريث وكل عاداتنا السيئه بنعرف نصدرها لبره
انفلونزا التوريث
انتقلت لبيا ابن القذافي و راحت لفرنسا
التوريث .... فخر الصناعه المصريه :D
عمار يا مصر
وعلى رأى عادل امام
تحيا الامة العربية