عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

طب والجاموسة أخبارها ايه

مرسلة بواسطة TAFATEFO
في 4:33 م


الناس اللي ماتت دي متهمش حد، عشرة عشرين خمسين مية .. مش مهم.
ماتوا في قطر اتحرق، ولا خرج عن القضبان، ولا خبط قطر تاني، ولا خبط أوتوبيس، ولا في حوادث الطرق اللي بتحصل كل يوم وبيموت فيها مئات .. برضه مش مهم.
يقيلوا الوزير المدير النائب المحصل الغفير .. كل ده مش مهم.
المهم نعرف مين الجاموسة العظيمة اللي يفديها قطر بركابه .. وتقف لها البلد والقطر باللي فيه عشر دقايق علشان تعدي.
الجاموسة اللي شيلوها الحادثة ماتت .. لكن الجاموسة -والزريبة- اللي تسببت في الحادث -وغيره- وبتقفلها البلد كلها والقطر -وغيره- باللي فيه لسه.

3 تعليق على طب والجاموسة أخبارها ايه

  1. على فكره ماما كانت بتسأل نفس السؤال

    بس واضح انها جاموسه من عيله كبيره في البلد

    وواضح كمان انك ماتعرفش ان في قطارات بتقف لما يبقا في حمار معدي

    قطار الفيوم ده من اسوء القطارات .... وبيقف لو حد شاورله ..... موش هيقف لجاموسه

    انه حقا ضحك كالبكاء

     

  2. donya كتب,

    صباح الخير

    حسسوني ان حادثة القطر دي في الهند اللي بيقدسوا البقر والجاموس
    وكمان مش فهمه يعني ايه كان بيفاديها دي يعني خد يمينه ولا شماله
    بعتبار انه مش ماشي علي قضبان ولا حاجه

    واشمعني العياط هو اللي قضبانه شقيه كده وبتعمل حوادث

    يبقي العيب في مين ياتري؟؟؟؟؟؟؟؟؟
    حد يعرف يجاوب


    *تحياتي

     

  3. الي كل القلانين علي الجاموسة
    الي كل الي حابين يتعرفوا علي الي عمل ده كله
    ليك أنت يا طفاطيفو وعشان تعرف انت عزيز عليا قد ايه
    احب اعرفك عالجموسة العظيمة ده
    هتلاقيها هنا شخصيا
    http://www.flickr.com/photos/ahmedcarlos/4042370170/

     

next next next