أعلنت حركة فتح أنها وقعت بنود إتفاقية المصالحة الفلسطينية التي ترعاها مصر صباح اليوم وسترسلها إلى مصر غداً -كانت مصر قد عينت الخامس عشر من أكتوبر كموعد أقصى لرد الحركات على الإتفاق وإعلان موقفهم منه- في خطوة أحادية الجانب.
ومساءاً يقول محمود الزهار أن حماس قد توقع الورقة التي تحوي بنود الإتفاق -التي يقول أن حماس تدارستها مع مصر ووافقت عليها قبل ذلك- وقد توقع عليها قريباً -بيقول انه- بعدما يتم دراستها -ومتسألش ايه هي اللي هيدرسوها مع انهم درسوها ووافقوا عليها قبل كده زي ما بيقول بس مش مشكله .. الكذاب مبيروحش النار ولا حاجه، محدش شافه راح فين-.
يا ريت .. يا ريت يوقعوا بنود الاتفاق .. من الأول قلنا اتفاق اتفاق عنهم ما اتصالحوا وتتكسر رقابيهم على بعض .. المهم يبقى في اتفاق يؤدي لانتخابات يؤدي لإنهاء حالة الإنقسام المخزية دي .. والشعب الفلسطيني يختار من يمثله .. انما كده لا المفاوض بيفاوض، ولا المقاومة بتقاوم، والناس هي اللي بتموت من القصف والجوع والمرض والاتنين ولاد كلاب قاعدين في مكاتبهم ولا يهمهم مين مات ولا مين أكل.
8 تعليق على 
المشاركات
الاتنين لا بيهمهم لا مين مات و لا مين أكل :
-----------
وزراء و نواب حماس فى غزة تقريبا كل شهر بيتبرعوا بنصف راتبهم للتخفيف من الحصار
انت بتدب كلام و لا انت عارف حاجة فى اى حاجة
مين بيدفع لحكومة حماس رواتبهم .. ومنين أهل غزة بياخدوا رواتب؟ وأهل غزة عايشين ازاي؟ وايه الأولوية على أرواح الناس وحياتهم؟
أنا يا سيدي بدب كلام ومش عارف حاجه .. مفيش مشكله
مصطفى بيه
انا كمان مش عاجبني الانقسام بين غزة و الضفة..
لكن انت تعتقد ان الضفة هي اللي حتنضم لغزة و لا العكس ؟
بمعنى ان انضمام غزة للضفة و وقوعها تحت سيطرة الاجهزة الامنية اياها و من يحركها حيقضي ع المقاومة و لا نات ليك رأي تاني ؟
شو خصني؟ ده اختيار شعب خيي
أنا مش قارفني غير ان اتنين مش شرعيين بيتحكموا في أقدار شعب واقع تحت الإحتلال ومحاصر .. والاتنين محدش فيهم بيدافع عنه ولا بيدور على أبسط حقوقه في الحياة
لا حل إلا الانتخابات وتفعيل دور منظمة التحرير .. بس الأهم من كده عندي المحافظة على الدم وعدم بيعه بلا ثمن .. حتى لو قرر الفائز في الانتخابات المقاومة لآخر قطرة دم -وعمل كده فعلاً مش زي ناس تانيه- فده خيار شعب .. انما فريقين المهم عندهم كراسيهم وسلطتهم على بلد بلا سيادة أصلاً وشغالين تقتيل واعتقالات في بعض يبقوا ممثلين للشعب الفلسطيني؟؟!!
مين بيدفع لحكومة حماس رواتبهم .. ومنين أهل غزة بياخدوا رواتب؟
--------------
ايه السؤال المفحم ده ؟
:))
ايه الفرق؟
بقولك بيتبرعوا بنص رواتبهم
تقولى مين بيدفعلهم ؟
واحد بيضحى نص مرتبه للتخفيف من الازمة
تقلل انت ليه من عمله ؟
الاتنين محدش فيهم بيدافع عنه ولا بيدور على أبسط حقوقه في الحياة
---------
لما الاف الاسرى يخرجوا
حستنى تكتب و تقلل من الامر
فى الانتظار
لا تعليق يا ميدو .. واضح ان سؤالي مش مفهوم ايه وراه .. عموماً مين بيدفع لحكومة حماس رواتبهم ده لأن حكومة حماس حكومة انقلاب -مش بنكره ولا بعيبه بتسميته انقلاب .. هي اسمها كده- .. فاللي بيدفع لحكومة حماس الرواتب هي حكومة حماس .. مش المالية الفلسطينية مثلاً
ايه بقى بيتبرعوا بنص رواتبهم دي؟؟ وبيتبرعوا بيها لمين؟؟ لحماس ولا بيدوها لجمعيات شرعية ولا للفقرا في ايديهم مثلاً
ايه يابني ده .. أنا مفهمش غير اللي يتفهم
للمرة الواحد وعشرين بعد المائة .. أنا مش ضد .. واتفاق المصالحة جزء من اتفاق (حسب كلام اتقال ميت مره قبل كده) جزء من عملية تبادل الأسرى مع إسرائيل والإفراج عن قائمة الألف أسير اللي سلمتها حماس لإسرائيل .. وكانت أول خطوه تبادل شريط الفيديو بـ الـ 20 أسيره
فيااااااااااااااااارب ده يحصل .. المره 122 أهو ميخسرش
لما تقول كده فكر نفسك اني مش ضد علشان مش هقول ده تاني