عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

اللي اتكلمت قدامك وكنت مبسوط أوي بيها أمل صلاح شكري قديس، من بهجورة - نجع حمادي - محافظة قنا .. -قالتلك على فكره بس العتب على السمع بقى، كتر خير الدنيا- عضوة معاك في الحزب، يعني مش معارضة ولا من القلة المندسة .. ولا من المغرضين اللي عايزين يشوهوا صورة البلد .. البلد اللي كابس على نفسها بقالك 29 سنه .. آدي إنجازات حكوماتك اللي ورا بعضها .. آدي الرخاء اللي كل المواطنين بيعيشوه تحت ايديك .. آدي حال الأغلبية الساحقة من الفقراء والبسطاء اللي قلت عليهم .. دي قرية من مائة ألف قرية فقيرة، اللي "جمال" بيقول هيصلح حال ألف قرية منهم .. طب والباقي؟

مصر على "ايدكم" بلد قائم على الجهود الأهلية .. مفيش حكومة .. كل أسرة "شامه نفسها" -مش مقتدرة- شايلة أسرة على الأقل .. الناس بتلم لبعضها أكل وبطاطين وملابس وكل حاجه .. المستشفيات كلها بتطلع تطلب التبرعات من الناس .. دور الأيتام والمعاقين بتطلب التبرعات ..
إعلانات فيها ناس خارجة من تحت التراب، ومرضى بيستعطفوا الناس ويترجوهم، الجمعيات الأهلية بتتسابق على جنيهات قليلة فاضلة في ايد مواطن، وفي اللي بيقطع من قوته علشان يساعد غيره اللي عارف انه من غير القرشين اللي هيدفعهم مش هيلاقي حاجه .. اللي طلعوا من تحت التراب دول مدفونين بالحيا، في كام بقى مطلعوش من تحت التراب؟

لا أكل ولا شرب ولا صرف صحي ولا تعليم ولا علاج ولا شغل .. جوع وفقر ومرض وجهل وتعذيب وسجون ومعتقلات وإهدار كرامة وآدمية وتعريص على كل المستويات هي دي محصلة 29 سنة من حكمك اللي مستمر لآخر نفس.
اسمع تاني واضحك .. عايزك تتفشخ ضحك .. أصلها بتيجي على أهون سبب


القرية بتاعتنا فقيرة، الأمية فيها مرتفعة .. لا فيها كشافات، ولا فيها مستشفى، ولا فيها مدرسة .. والفقر فيها .. ولا في مساكن للشباب.
أنا فداكم، أنا عندي إستعداد أعمل أي حاجه علشانكم.
انتي متنفعش تروحي تترشحي .. جلتلهم ليه؟ جالولي انتي مسيحية ومش هينجحوكي.
مدرستنا، مدرسة منيرة الثانوية؛ مهدودة ليها سنين .. والبنات ودوهم مدرسة داوود.
عاوزين مستشفى .. المستشفى عندبنا حالياً مشطبه على أعلى مستوى، وفيها سراميك وفيها بلاط وفيها حاجات حلوة خالص .. طب احنا دلوجتي اتحولت إلى مخزن ..(*) حالياً المستشفى إتحولت إلى مخزن .. أنا نفسي المستشفى دي تشتغل.
عشان المريض اللي عنده نزيف يروح أسيوط .. ما هو هيموت .. مش هيلحق.
البطالة .. الشباب النهارده عدى الأربعين وأكتر من الأربعين وملاجيش سكن ليه .. النهاردة البنت وصلت لحد 35 سنة متجوزتش .. الواد 45 سنة متجوزش.. يعمل ايه؟! عاوز شغل، عاوز يتجوز .. عاوز يعيش.
(*) حوار جانبي
ما هو عارف ان أنا من نجع حمادي حضرة النائب
- انتي من عند عبدالرحيم الغول
أيوه
- أتاريه بيتنطط
ما هو لازم

2 تعليق على بهجورة - نجع حمادي .. آدي محصلة 29 سنة من حكم سيادتك

  1. Nancy كتب,

    شكرا على تفسير الحوار الجانبى ;)

     

  2. Nancy كتب,

    شكرا على تفسير الحوار الجانبى ;)

     

next next next