عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

4 تعليق على كلمة الرئيس مبارك أمام المؤتمر السنوي السادس للحزب الوطني

  1. donya كتب,

    صباح الخير
    الحقيقه انت عامل مجهود كبير جدا سواء هنا او علي اليوتيوب
    وكمان المدونه التانيه جميله جدا وفيها حاجات كتير كنت بعرفها لأول مره

    لكن ممكن اسأل سؤال مش عارفه من حقي اسأله ولا لأ
    من خلال تجوالي في المدونات مالاقيتش والا تعليق ليك علي اي مدونه فيهم مع ان في مدونات جميله جدا وثريه

    وهنا ايضا لااجد تعليق لأي مدون
    اعذر صرحتي هو ده انا

    هل انت بتضايق من زيارتنا للمدونه وبالتالي من تعليقاتنا والمدونين مش بيعلقوا بالتالي تاني

    والا انت شايف ان مافيش مدونه تستاهل انك تزورها او تعلق فيها وبالتالي زي انت مابتزرش حد ماحدش بيزور

    انا اسفه
    لكن حبيت اعرف
    من حقك ترد ومن حقك تمسح التعليق اصلا
    وماتردش

    وبالنسبه ليه مش هزعل علشان انا مؤمنه بالحريه الشخصيه

    وفي حالت عدم ردك علي او انك تمسح التعليق
    برضه هزور المدونتين بس مش هعلق
    واعتقد ان اغلب الناس بتعمل كده

    بس احب اقول لك ان التواصل مع الناس مهم وخصوصا ان ده من مميزات النت واللي بيدخل النت في اماكن زي البلوجر اعتقد ان بيكون هدفه التواصل

    اسفه علي الاطاله

    *تحياتي

     

  2. TAFATEFO كتب,

    :D:D:D:D:D
    يا دنيا هانم حضرتك تقولي اللي تحبيه .. هو احنا نطول ؟

    هو سمكن الصوره مش صح أوي .. كل الحكاية ان البلوجوسفير واسع جداً لرجة ان الناس اللي أنا بزورهم وأعلق عندهم أحياناً ممكن تكونش حضرتك متعرفيهمش والعكس

    بالنسبة للمدونات بتاعتي لما بيطلب مني رد أو يكون نقاش في حاجه برد .. لكن لو التعليقات مش محتاجه رد مني مبردش

    الحكايه برضه ان في تويتر وفيسبوك .. عادة النقاش في أي موضوع بينتقل هناك والتويتريين مثلاً كارهيني أنا وميدو على الخناقات هناك :D ممكن تلاقي بعض خناقاتنا هنا .. وكذلك في الفيسبوك أحياناً

    عموماً من هنا ورايح كل ما دنيا هانم تقول تعليق هرد :D

    مبسوطة يا ستي

     

  3. TAFATEFO كتب,

    هل انت بتضايق من زيارتنا للمدونه وبالتالي من تعليقاتنا والمدونين مش بيعلقوا بالتالي تاني .. والا انت شايف ان مافيش مدونه تستاهل انك تزورها او تعلق فيها وبالتالي زي انت مابتزرش حد ماحدش بيزور.

    الجملتين دول موتوني من الضحك .. الحكاية مش كده خالص

    بس واضح من مدونتك انك جديده .. الموضوع مختلف خالص

     

  4. donya كتب,

    بشكرك انك رديت
    وخلاص يافندم كده فهمت
    والحمد لله اني ضحكت
    انك تضحك حد في الزمن ده وكمان وانت مش قاصد ده شئ صعب خالص تماما

    بشكرك علي حسن الرد

    ولوعايز اتنين امناء شرطه ابعتهم ارض المعركه

    وايوه انا جديده بس بحاول اقرا كل المدونات
    والمدونه اللي بدخلها بدخل كل المدونات اللي موجوده في القايمه عندها
    ماانا ملازمه الفراش وفاضيه


    شكرا تالت

    *تحياتي

     

next next next