عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

النهاردة متقابليش حد وتعرفيه بالسن دلوقتي .. قضية المعاش المبكر دي دمرت الناس.
معلش، احنا بنتكلم بصراحة، وعندنا في بلدنا ديموقراطية، ومن حقنا نقول اللي جوانا.
أنا عضو في الحزب الوطني من 30 سنة .. أنا لا جاي علشان أسقف، ولا أقول للحزب متشكرين.
أنا ابن الحزب، ومنيش معارض في حاجه، بس أنا بقول حتة المعاش المبكر كترت البطالة .. زودت مشاكلنا.
علشان أكون باخد عشره قروش وأنا في وظيفتي، أبقى على المعاش آخد 6 قروش .. مش هعرف أمشي.
أنا لو قلت لحضرتك أنا يوم ما خدت مكافأة نهاية الخدمة على المبلغ هتضحكي.
المبلغ يوم ما طلعت معاش أنا خدت 6027 جنيه .. عن كام سنة خدمة؟ 23 سنة.
تقدمت لمكتب التوظيف بتاع وزارة الصناعة، وفي النهاية خالص ودوني شركة اسمها لانتنج في المنطقة الصناعية في العباسية .. ألاقي بني آدم داخل على سن الخمسين وداخلك بخبرة فوق الثلاثين سنة خبرة في مجال النسيج وبتديله 300 جنيه .. ينفع؟ ازاي؟ ده لو حسبنا الـ300 جنيه على بعضيهم كده مش هيوصلوني لغاية العباسية.
أنا لو أملك عربية !! أنا كل مشاويري النهاردة، بعد طلعاني المعاش بالسن المبكر كده، أنا جبت حتة عجلة على أساس انها تحركني، علشان محسش بالعجز .. عشان محسش بالعجز .. واهي بتسعف الواحد، لو في مشوار بخلصه.
حاسس انك هتلاقي الدعم والحماية من المستشفيات زي ما بتقول الحكومة؟ .. ربنا اللي هيجيب، وربنا اللي هيشيل.
لو محطيتش من جوايا في قناعة، وأبويا زارعها جوايا .. لو مفيش قناعة بان الشافي هو الله، عمر ابني ما هيشفى.

1 تعليق على أنا ابن الحزب .. المعاش المبكر دمرت الناس .. ربنا اللي هيجيب وهيشيل

  1. donya كتب,

    مساء الخير
    شوف زجل عز
    علي هبل شعبوله
    علي كلام الرجل بتاع المعاش المبكر ده
    يستحضرني كلام عادل امام في السفاره في العماره
    لما جه مصطفي بكري قال الرجل ده بيقول كلام زي الفل
    ولما جه سالم قال الرجل ده بيقول كلام زي الفل
    ولما جت بوسي سمير وكليبها الشهير بتاع عالروف اي السطوح علشان تحط الحروف كويس
    قال الست دي بتقول كلام زي الفل


    تحياتي

     

next next next