عبدالناصر إختراع هيكل

TAFATEFO

هيكل، سيبك من هيكل ده حالة خاصة في التاريخ. رجل كان مفكر عبدالناصر، وهو اللي صاغ الفكر السياسي كله لـ عبدالناصر .. مظنش حد خد الدور ده أبداً. يعني أنا معتقدش ان علاقتي بالسادات وصلت زي علاقة هيكل بـ عبدالناصر. هيكل بـ عبدالناصر كان هو اللي بيفكرله، لدرجة انه يكاد يكون عبدالناصر من إختراع هيكل، بيقول على لسانه كلام في كل حاجه في الدنيا.

هيكل وعبدالناصر

حكاية الشطار الثلاثة وسعر توريد القمح

مرسلة بواسطة TAFATEFO
في 3:03 م

في مصر التي يستهلك أهلها 14 مليون طن قمح سنوياً، تستورد أكثر من نصفها من الخارج. وفي مصر التي شهدت العام الماضي الكثير من فضائح القمح المستورد الفاسد والمسرطن، والتي تضع مواصفات قياسية لإستيراد القمح من الخارج أقل بكثير من مواصفات القمح المصري. ما زال الشطار الثلاثة مختلفين حول سعر توريد القمح من المزارعين للحكومة .. رغم وعود جلالة الملك المفدى هو وابنه للفلاحين في مؤتمر العصابة السنوي السادس، ورغم ان الحاج عبدالفتاح قام جعر علشان يوصل رسالة الفلاحين لجلالة الملك؛ اللي منسيهوش في خطبته وفنجر ببقه على الفلاحين، لسه كأنك يا أبو زيد ما غزيت .. ولسه سعر توريد القمح اللي يجزي الفلاح ويشجعه على زراعة القمح لتقليل الإستيراد متحددش .. حتى السعر اللي حددته وزارة الزراعة اللي هو 270 جنيه واللي هو يادوب على قد الزرعة ومبيكسبش الفلاح حاجه تسوى، ولا بيشجعه على زراعة القمح مأقروهوش.
والوزرا الثلاثة، اللي اجتمعوا بربطة المعلم علشان يتفقوا على سعر توريد القمح، خرجوا من الإجتماع متفقين على سعر توريد البنجر .. ومن غير عجبي.

1 تعليق على حكاية الشطار الثلاثة وسعر توريد القمح

  1. أزال المؤلف هذا التعليق.

     

next next next